LΣARBI BELXIR – Ababat n lmafya tasertant tazzayrit yemmut

6
298

Lεerbi Belxir d jiniral deg igen aɣelnaw aɣerfan azzayri. Aɣmis afransis Le Figaro yezga yettak-as isem « ababat n udabu azzayri seg yiseggasen n 1980».
Yuɣal ur s-d-tecliε ara deg leḥkem segmi yuḍen deg 2009. Llan wid d-yennan yemmut deg meɣres iεeddan, maca aya yettwaskeddeb-d s twacult-is deg 21 yebrir 2009. Maca ass-a n 28 yennayer 2010 s tidet yemmut.

Yella d aqerruy ɣef lḥacya n Cadli Ben Ǧdid akked Butefliqa. Yexdem d aneɣlaf n Daxel, asmi akken i nɣan aselway Muḥemmed Budyaf deg Σennaba ass n 29 yunyu 1992.

Sdeffir tamettant n Bumedyen, tin ideg ffrent waṭas n tɣawsiwin, Belxir yebda yettban-d s udem asertan, d Cadli i s-d-yefkan tayet. Dɣa deg texxamin n uɣerbaz aserdas ENITA, iɣef yella d aqerruy, i nnejmaεen lεesker i wakken ad d-fernen amdan ara d-ibedden deg umkan n Bumedyen.

Lεarbi ilul ass n 1 yennayer 1938, d mmi-s n ccix n yiwet n zzawiya deg Frenda (tamnaṭ n Tyaret, deg umalu n Lezzayer). Deg 1958, yekcem ɣer lεesker n Fransa. Yella ger iεsekriyen-nni izzayriyen i yuznen, s lemεiwna n yiɣallen uffiren (services secrets) n Fransa, ɣer Tunes seg 1958 ɣer 1961, anda i yekcem ɣer lεesker n ALN.

Sdeffir tifranin-nni n 1991, Belxir d Jiniral Xaled Nezzar, zeεma i iεedlen akked Cadli, ssutren deg-s ad yeffeɣ seg udabu. Kra qqaren dakken nnan-as aya imi akken Cadli yebɣa ad yerr ɣef uqerruy n lεesker (Etat-Major) kra n yimdanen i s-iqerben. Cadli, taggara, yerfed ifassen-is ass 11 yennayer 1992.

Asmi d-yeẓdem lεesker, yeḥweṣ adabu deg 1992, taselwayt fkan-as-tt i Muḥemmed Budyaf. Azal n 06 wagguren kan aεeskri Lembarek Bumeεrafi yenɣa-t εinani zdat wallen n medden yakk.Maca nnan-d belli Lεerbu Belxir yesεa afus meqqren deg taluft-a.

Afud yesεa Belxir d umdakel-is n lebda lkulunel Kerbub yeggar-d iman-is deg waṭas n tlufa timeqqranin n udabu azzayri, dɣa ɣef aya i s-qqaren “ababat” neɣ “parrain” s tefransist (ayen i d-yettmeεεinen ɣef lmafiya tasertant n lpiṭrul azzayri).

Imi d-yewweḍ Lyamin Zerwal d aselway n Uwanek azzayri deg 1994, Belxir yeǧǧa tamurt, iruḥ ɣer Swis.

Zerwal ur yeqqim ara aṭas deg udabu, yeffeɣ, ḥettmen-t imenɣiyen n tazzliwin sdeffir n leḥkem ger lεesker, aladɣa Muḥemmed Medyen i yebɣan ad yezwir amdakel n Zerwal, Muḥemmed Betcin. Asmi i d-ibedd Butefliqa, Belxir ikcem-d tamurt. D netta I tt-iferrun ger lεesker d uselway amaynut.

Asmi awal-is yuɣal ur yettεedday ara zdat n Butefliqa, sbedden-t-id deg 2005 d aneɣlaf n Uwanek akked imqeddem n Lezzayer deg Lmerruk.

6 COMMENTS

  1. A d-yeγli ger ifassen n Muḥya, ad as-d-yawi tinna n  » Muḥend Ṣṣalaḥ Yeḥyawi, a Rebbi dawi neγ awi! », netta ad as-yeqqar » Yya-d γer dagi, yya-d a Lεerbi bu lxir, imi temmuteḍ akka ixir! ».
    « La ḥelwa, wala qelwa illa bi llah! »

  2. A d-yeγli ger ifassen n Muḥya, ad as-d-yawi tinna n  » Muḥend Ṣṣalaḥ Yeḥyawi, a Rebbi dawi neγ awi! », netta ad as-yeqqar » Yya-d γer dagi, yya-d a Lεerbi bu lxir, imi temmuteḍ akka ixir! ».
    « La ḥelwa, wala qelwa illa bi llah! »

  3. LAAQUVA gher wiyadh, ay hoooooooooooooooooooooooooooooooooh, nek nwuigh urtsmetsathnara ??? daççu kan bghigh adkhelsen di dunit maççi di lakherth, immi ugadagh di lakherth ulach kra. ih anwa ig-hsane amaken is yenna ZDEK moulouk : M-IQNENT W ALEN DAYENNI.
    AWAR TIRHEN REBBI , LAAQUVE GHER WIYADH

  4. LAAQUVA gher wiyadh, ay hoooooooooooooooooooooooooooooooooh, nek nwuigh urtsmetsathnara ??? daççu kan bghigh adkhelsen di dunit maççi di lakherth, immi ugadagh di lakherth ulach kra. ih anwa ig-hsane amaken is yenna ZDEK moulouk : M-IQNENT W ALEN DAYENNI.
    AWAR TIRHEN REBBI , LAAQUVE GHER WIYADH

  5. azul.
    yemut awar d yughal. la3kuba ar widdak nidhan. amassa anefrah daghan felasan.
    adirham rebbi widd yemutan af tmazight yiwan yiwan.adidum rebbi widd idyakiman.

  6. azul.
    yemut awar d yughal. la3kuba ar widdak nidhan. amassa anefrah daghan felasan.
    adirham rebbi widd yemutan af tmazight yiwan yiwan.adidum rebbi widd idyakiman.

Comments are closed.