Lakul n lezzayer yeḥfan

13

Ulac ass ara yezrin, war ma yella-d umaynut sɣur iselmaden neɣ inelmaden di lakul Lezzayer yeḥfan. Yal yiwen ad iqqar d azref-iw i yettwačen Acu kan d acu i ten yesṭuqten d Sandika n iselmaden i yessawalen ɣer uḥbas ɣef tɣuri neɣ ɣer ibeddi zdat n tenmehla n usegmi di yal lwilya. Sandika-ayi tlul-d ad tt-ɛebbi iɣeblan n iselmaden deg ttidiren i wakken ad snefsusin fell-asen taɛekkemt n wussan, taẓẓeyt n iseggasen.

Sandika ama t-a, tettwafren-d sɣur iselmaden i wakken ad d-tenǧer abrid-nniḍen i tudert. Tella-d i wakken ad ldin iberdan i iselmaden akken ad leqmen tamusni akked usirem deg ulawen n inelmaden. Iselmaden yal tikelt ɣef acu i ttnaɣen. Saramen ad frun uguren-nsen. Ayen sutren akk ad yettwaqbel ma ulac ur ttsusumen ara.

Iselmaden ẓran i wakken ad d-awin izerfan-nsen ilaq ssuṭ-nsen ad yebbeɛzaq. Imḍebren yal tikelt ttaken-d udem yelhan, ma d tidet dɣa. Aṭas i as –yeqqaren: “Ammer dduklen iselmaden deg umennuɣ afus deg ufus, tili fran-d tamsalt-nsen”. Maca timuɣliwin mgaradent.Wid yelḥan deg ubrid n uadbu, ur d-tettili tdukli yid-sen. Afus n tizelgi yisexreb-asen tirga. Akka i d wid yettnuzun s rrxa. Ihi si tama-nsen i d-yekka ucerrig.

Sandika yettḥerbiben ɣef izerfan n iselmaden twexxer i lecɣal-ayi. D lawan ad begsen ma bɣan s tidet as-bedlen udem i lakul.Win yerran ad yexdem tasertit ad tt-yexdem berra i Sandika. Sandika yettmilen ɣer leḥkem, d ayen yekfa zzman-is, wid yekkan yid-s ggran-d weḥden-sen.

Ass-a iselmaden walan yal taɣawsa deg wennar, fehmen timsal yiwet yiwet. Iselmaden ugin tarewla n warrac ɣef lakul.

S umennuɣ akked tirrugza ara siwḍen iselmaden ɣer uɣerbaz n Lezzayer uzekka. Tudert-nsen, idles-nsen, tutlayt-nsen, tamusni-nsen ara d-yettwiksen seg nnger.

Crif Wanuɣi