Amezwaru (Fransa):
Tiwaculin εyant deg liḥala i yettidirent deg Tmurt n Yeqbayliyen. Kra yellan ɣla, tadrimt ur d-tkeččem ara, ur s-zmirent ara i tudert. ɣef wannect-a ttrebya n warraw-nsen teffeɣ afus-nsen. Lwacul teffɣen-d seg yiɣerbazen zik. Adabu ur sen-d-tecliε ara deg-sen. Ad s-tiniḍ mačči d izzayriyen, lhan-d kan d wid yellan yid-sen. Winna i sen-yewten afus rennun ssalayen-t, wayeḍ ad t-yawi yiɣẓer.
Aḍebsi “La parabole” daɣen yerna ikemmel-as. Tilifun, internet akked wallalen atraren, Izzayriyen urεad ur s-zmiren ara.. Ilmeẓyen uɣalen ttargun, yeffeɣ-iten leεqel. Ansay-nsen bran-asen yakk, dɣa ur frin d irumiyen neɣ d aεraben.
Wis-sin (Swis)
Leqbayel fkan afus. D nekkni i d-yeskecmen ikabariyen mačči d Adabu. Adabu seg zik ulac-it deg tmurt.. Bgayet teččur d ttbernat. Ger ttberna d tayeḍ tella ttberna. D acu i ten-yewwin ɣer wannect-a? D idrimen. Axeddim ulac, ufan-d aya. Deg-s ttawin-d s tefses tadrimt, aladɣa srabes n tebzert ur ten-d-tqessed ara.
Ma d lehyuf llan seg zik. Imedyazen-nneɣ seg zik ttaddren-t-id deg yisefra-nsen: asebsi, lkif..atg. D acu kan tura tuɣal εinani.. lbirra deg yiberdan..
Sarameɣ kan ur d-ttnulfun ara leεyub nniḍen sya d asawen..
Ma d “la parabole” icuba-yi rebbi tewwi-d aṭas n nnfeε..Seg waṭas-aya d nekkni nettcetki deg “l’unique” ..ass-a mi yella ufran ad tt-id-nerr fell-as
Wis-kraḍ (Fransa)
Aya yeffeɣ-d seld timunnent kan. Deg Tmurt, nella nettemsefham deg ugara-nneɣ. Adabu i wakken ad ɣ-ireẓ yuzen-aɣ-d lehyuf i wakken ad ɣ-icemmet ɣer wiyyaḍ. Yefka ttesriḥ d turagin i yimǧahden ad ldin ttbernat.. Γas akken s lekwaɣeḍ i tent-ldin, maca wiyyaḍ εunden-ten..aladɣa imi tella deg-sen tedrimt. Mi ara yesεu yiwen taḥanut n učči n mebla lekwaɣeḍ srabes n tebzert ttawḍen-tt-id imiren yakan, mi ara d-yeldi yiwen ttberna qemmcen allen-nsen fell-as.. Aya d asebɣes i uznaz n ccrab d wayen nniḍen deg tmurt n yeqbayliyen
Aɣerbaz deg aydeg ad irebbi igerdan, yessexrab-asen, yettarra-ten d aεraben, yesseεraq-asen anwa i d nutni.
Wis-kuẓ (Fransa)
Neknni nerwel-d yakk si tmurt. Wid yeɣran ǧǧan tamurt. Ulac dɣa anwa ara iwellhen wiyaḍ. Nekk akken ttwaliɣ tifrat d abrid i d-yewwi Ferḥat Mhenni, d abrid n Timanit. S Timanit nezmer ad d-nexdem isuḍaf i ɣ-yelhan, i ɣ-iwulmen. D nekkni kan i yeẓran d acu i yeffɣen fell-aɣ. Adabu yezga iteẓẓu-aɣ isennanen deg yiḥerqan-nneɣ. S tsertit-is idemmer imdanen ɣer tiṭṭurfa, yiwen yefren abrid n ddin neɣ asɣan, wayeḍ d lehyuf d wayen n diri i yeḍfer.
Wis-semmus (Tiz-Wezzu)
Ikabariyen nnulfan-d 15 iseggasen kan ɣer deffir. Akabari d axxam ixellun ixammen. Adabu yeǧǧa tamurt. Ikabariyen xeddmen ayen i sen-yehwan, ttawin-d lehyuf d tlawin ɣer tuddar. Ilmeẓyen (17-22 iseggasen) ttwazzewlen, ttawin yir iberdan.. Deg uɣerbaz teffɣen-d zik. Deg berra, ur ufin ara axeddim. Dɣa d lehyuf d tlawin kan i d-ttafen sdat-sen, itekkes-asen ɣef wul.
Wis-sḍis (Lezzayer)
Tibyarin ttemcuyarent deg ubrid. Anda terriḍ ad ten-tafeḍ. Sumsent yakk tawennaṭ. Tiwuɣa i d-xeddment i yemsebriden ṭṭuqtent: asṭerḍeq n rrwaḍi n tkeryas…atg. Awanek daɣen ulac-it, yebra-yas yakk. Imawlan ur ttrebbin ara arraw-nsen, ur sen-d-tecliε ara deg-sen. Lakul ur ixeddem ara lxedma-s..
Wis-sa (Fransa, 80 iseggasen)
Ilemẓi ur ixeddmen ara ur yezmir ara ad yeṭṭef iman-is. Ula d timetti daɣen ur s-tezmir. Tura deg taddart ulac la lεib ulac la leḥram. Yiwen ur yettqadar wayeḍ. Mmi-s ur yettaɣ awal i baba-s. Asqamu n taddart awal-is ur yettεedday ara. D nekkni i tt-id-yewwin i yiman-nneɣ..
Wis tam (Lezzayer)
Lehyuf-a d tamsalt n twacult. Tawacult meqqren, yesεan lɣaci, rnu-as lixṣas n tedrimt, aya yessufuɣ arrac ger yifassen n yimawlan.. Yessefk tiwaculin tiqbayliyen ur d-ttarwent ara s waṭas. Drus kan n dderya iεum. Akka ad s-zemrent i usegmi-nsen.
Yessefk ad d-iniɣ belli aya mačči d iǧadarmiyen i t-id-yettawin,acku walaɣ deg Bumerdes iǧadarmiyen ur stahzanen ara. Maca tella daɣen yiwet n tɣawsa, icuba-yi rebbi tesmeɣrem aṭas taluft. Acku deg taddart ulac aya i d-teqqarem akka.Aat taddart mazal ttemqadaren. Ilmeẓyen ur d-ttarran ara awal i yimeqranen. Deg ubrid, ad k-d-qablen yakk s azul. D tidet deg temdinin timeqranin yezmer ad yili waya..maca deg tudrin ulac.
Adabu daɣen ur d-yefki ara afus i Tmurt n Yeqbayliyen. Ttemrafin iqbayliyen ad ten-yawi yiɣzer.
aneggaru yaggi yeddelattid maddi.amek akka,yesfekk it waculin tiqbailiyin akken ur dettarwent ara s’wattas.ihhi gher enger aran teddu.akka tura ,ulac attas iggwurdan di tmurt,igherbazen la ghelqen yal as.mi iddenbwu timanit dina anzzer d’acu ighilaqen.ma ttura,anili kkan am idzairiyen merra!
Ur gziγ ara anamek-is weḍris-agi. D tidet ur yesεi la aqerru, wala iḍarren akka tegziγ nekk neγ tεedda nnig uqerru-w(meẓẓiyet tmusni-w)?
A mmi γas ssefhem-iyi, awal yeḥwağ asefru!
Aḍris-a yeḥka-d kan ayen d-nnan kra n Yiqbayliyen ɣef usentel-a i ɣ-iceɣben. Rriɣ-t-id da ahat ad ikemmel uskasi. Yal yiwen d acu-tt tikti-s, yal yiwen amek yettxemmim. akka, ahat ad s-d-naf tifrat… S umeslay i d-tettlal tafat, akka qqaren Irumiyen…
S umeslay i d-tettban tafat ahat fell-asen(Irumyen), mačči γef yeqbayliyen. Lemmer s lehdur am wigi ara d-ban, tili γur-neγ ara tt-id-ttağun at umaḍal(tafat), acku seg wasmi d-nekker ala tibeεṭeẓẓa-agi i s-nettmeslay s uγanib-agi yelsan allen n tneslemt d tfuḥanin yettaken anzi γur-s.
Mi ara yettmeslay wemdan γef wayen d-nnan Irumyen, yessefk ad yizmir neγ xerṣum ad yeεreḍ ad yettwali timsal iγef yettmeslay s wallen-nsen akken ad ten-yegzu, mačči s tmuγli n k. Tarwiḥt bu iwerḍan.
Mst.. ameslay mačči ala Iqbayliyen i t-yessuguten, iɣerfan yakk ɣur-sen uguren-nsen, ttmeslayen yakk fell-asen.
Deg Tmurt n Yeqbayliyen yella uɣbel-a n lehyuf, ilmeẓyen ttwaɣen, teffɣen-d seg uɣerbaz, ttakren, timattakin ugtent..atg.. Taddart taqbaylit ur tessin ara aya uqbel.. aya d amaynut fell-as.. Imdanen ddigutin, ǧǧan tamurt. tin yuɣalen tessewḥac..
I wakken ad d-tessakiḍ imdanen ɣef temsal n tlelli d yidles, yessefk imdanen-a ad ilin ufan iman-nsen, kra ur ten-ixuṣ.
Ruḥ mmeslay-as i yiwen ɣef teqbaylit deg Tmurt n Yeqbayliyen, twaliḍ d acu ara k-d-yerr?!! Ma yella ur k-d-yessexser ara awal, ad k-yini « ttxil-k anef-iyi ṭrankil ».
Ulamek ad d-yili umeslay akken t-id-ttawin Irumiyen. Acku nutni aɣrum werǧin yella-yasen-d d aɣbel, lhan-d kan d tɣuri, nekkni teẓriḍ amek..
Gm: Tidmiwin yuran deg umagrad mačči n Kamal Tarwiḥt, maca n wid i d-yessawlen.
Ihi atan teẓriḍ kra yellan, ssuref-iyi d nekk i yewwet wugur, ur ẓriγ anida teddunt temsal!
Ad iketter sidna Rebbi irgazen lεali at nnif, lεezza d lḥerma am kečč ar d-yerren tudrin-nneγ s abrid n ṣṣwab, leqder d leḥlal! S leḥyat-ik a gma εzizen!
{{cekk-iw ayen iḍuran tammurt n leqbayel mačč d ikabriyen. Aya maεlum ad yilli. Mača ilaq ad yilli s udem n lqanun. Ayen iḍuren tamurt n leqbayel d lεasker id as id yezzin tirni. ulac ttadart ara tkecmed ur d ttmagereḍ ara a barage. ulac abrid ara taγeḍ ur d ttemliliḍ ara a barage.
Ayen i tt-iḍuren diγ d taguni n waraw-is. ad as tinniḍ leqabeyl mmuten. ulac lmentaq ulac aḥḥerek. imawlen n tsertit xemtan yal wa anida tuγ. anda llan yakk imeγnasen n zikk? andat djamel zenati, ait larbi…. d wiyaḍ. bexlaf Ferḥat.. wid-nni nniḍen yakk durrin amzun telha liḥala deg tella tmurt n lewbayel!
ulayγer leγlaḍ , tamurt n lewbayel tuγitt deg araw-is!}}
Iwerra-yi-d Rebbi akken ilaq a nessiweḍ a d-ninni d teqbaylit ayen akk yellan war tuzya. Tuksa n sser agi d isem ur d nessefham ara anamek n tikti. Ma yella d la prostitution ilaq a s d naff isem akken ad tidir taqbaylit u ad tennerni !
Acughar i teqqared iwarrayid rebbi a gma ilaq-agh a namen akw s « rebbi »? tzemred ad inid « akken ttwaligh »….d taqbaylit tazedgant!
D tidet, tilawin neɣ irgazen yettaken, dagi yal yiwen a t-yefhem.
Neγ timattakin d imattaken.