Lemyur n tmurt n leqbayel d teqbaylit

5

Mi ara d-yas yiwen ɣer tmurt-nneɣ anda aṭas i yeɣlin ɣef tutlayt taqbaylit, ad as-yaɛer ad iwali taqbaylit ɣef teplakin, tiḥuna, lkiran… ma yufa, ad yaf tura s tfinaɣ yerna mačči akken ilaq ! d tuccḍa n menhu ? Aya yuɣal ɣer lɣaci maca s waṭas, yuɣal ɣer yimḍebbren xersum wid n tɣiwanin (lemyur) widak yellan d imdebbren n yikabaren yettnaɣen ɣef tmaziɣt (FFS, RCD).

Aɛaǧabak a Rebbi, ḥaca lbankat d tseddawiyin n udabu azzayri i deg ara naf taqbaylit ! Yettbin-d am wakken lḥukuma tettḥawat ɣef tira n teqbaylit, maca lemyur-nneɣ ttarun kan s taɛrabt d trumit ! Amek ihi i nebɣa ad arun wat n tḥuna d wat lkiran s tmaziɣt ɣef cci-nsen, wid iɣef bbuṭin ttarun kan s tid-nniḍen !

Ɣef waya ad nger tiɣri i wid terza temsalt ama d lemyur, ama d imeɣnasen, ama d lɣaci i tɣaḍ teqbaylit ad d-gren iman-nsen deg temsalt-a, acku adabu ur
d-ittak ara tutlayt i warraw-is ma yella ur tt-ttarun ara, acku ma yella ur tt-ttarun ara, ihi ur tt-bɣin ara !