Mas Ferḥat Mhenni yemlal d yimeqqranen n marikan d yinemgalen n kra n tmura

1

Akken kan i yewweḍ ɣer Wacinṭun, tameddit n wass n ttlata 12 yibrir, aselway n unabaḍ aqbayli n leɛḍil Mass Ferḥat Mhenni yemlal d « Heritage Foundation », « Joseph Shattan Speechwriter » aqbur n uselway « G. Buxh », akked Massa Morgane L, Roach de allison center for Foreign Policy, s uḥdar n uneɣmas amaru Mass « Roger Kaplan ».

Ass n larebɛa 13 yibrir daɣen yusa-d d ccɣel ɣef ugensas aqbayli, s uɛeddi deg yiwet n tliẓri « AL HURRA » s temlilit akked yimagdayen n tmurt n Iran, yiwen seg yinemgalen n Ssudan, d ugensas n tegduda n yimal n unẓul n Ssudan deg Wacinṭun.

Mass Mhenni yemmuger daɣen Mass « Magdi Khalil », yiwen gar yigensas n yiqebṭiyen imasriyen.
Aselway n unabaḍ yekfa ass-is s yiwen n udiwenni s ttilifun akked d umeqran n yinemgalen isuriyen Mass M. « Mamoun Hamsy ».

I usmekti, aselway n unabaḍ aqbayli n leɛḍil atan deg Wacinṭun anda ara yeqqim 10 n wussan, din ad yemlil igensas n Marikan, syin ad d-yekk ɣef ugraw n leǧnas yeddukklen (ONU).