Muḥamed Belḥanafi iwweḍ ger ifasen n Rebbi

0

Amedyaz ameqran, argaz n yidles, Muḥamed Belḥanafi, iwweḍ leɛfu n Rebbi ass-a n lḥed ssbeḥ 4 di maɣres di sbiṭar n Tizi wezzu, 85 n iseggasen di tudert-is.
Ilul ass n 7 furar 1927 di taddart n Sidi Ɛetman di tama n Larebɛa n At Wasif.
S yisem-is aḥeqqani Ayt Ṭaher Muḥamed.

Ma akken tefra lgira, Belḥanafi iqdec di radyu tis-snat, anda yella yesɛa tadwilt ɣef tmedyazt umi yessawal « leqlam ajdid ». Am akkken yella d aqerru ɣef yiwet n tedwilt n warrac imeẓyanen « tibḥirin d iǧeǧǧigen akked waman iṣemmaḍen, yessafraḥen arrac imecṭuḥen ».

Ger warrac i yselmed, uɣalen ttwasnen s waṭas, Nwara akked Mulud Ḥabib.
Mačči anagar weyyi, imi yeslal-d yiwet n tedwilt n icnayen n uzekka, deg i d-yeffeɣ, Maɛtub Lwennas akked Malika Domran.

Amedyaz-agi amuqran, aṭas n icennayen i yecnan tamedyazt-is , gara-sen, Ɛetmani,Yidir, Ǧamal Cir, Mǧahed Ḥamid, Ṭawes, Crif Xeddam, Qasi Aǧawi, Cabḥa…

C.W