Muqlet d acu yebɣa Weqbayli

2
212

Taluft-a, ɣas akken teqqaz deg ulawen, tɛedda, tebleɛ deg ugerjum s
tḥila n at ufella. S nniya n wid yettamnen s tsertit n at ufella. Ihi,
ma tɛedda
ta, tezmer daɣen ad ttezri tayeḍ, ad zrint acḥal am ti, yerna ta ad d-teglu s
tayeḍ, ta ad ttbrez abrid i tayeḍ.

Win yuɣalen d aqerru n tesqamut n uciwer, ur yesserked ameslay. Am yiḍ am ass,
ur yeggan ur yesgan, tikerkas rnant tidett. Ta d tiyita tasusamt i yeqbayliyen, i
yimagdayen. Maca cukeɣ tiyita i d-iteddun ad d-tili qerriḥet ugar, acku ta,
tettezzi-d ɣef Teqbaylit neɣ ɣef Tmaziɣt s umata, ih, Taqbaylit-nni !

Win yellan d aqerru ɣef tesqamut-agi d amdan i izemren ad iḥemmel tamurt n
Yeqbayliyen?
Nwala akk ayen yexdem i Tmaziɣt deg iseggasen yezrin, ur nettu ara
daɣen d aɛdaw
ur nra Taqbaylit ad ttaẓ ɣer zdat.
Win i t-id-isbedden, mačči d tugdut i yettnadi neɣ d Tamaziɣt i tiɣaḍen. Yuḥwaj
wid yekkaten afus, yessuɣzifen amrar i nniḍam.
Aṭas!aya, agdud yettraju deg uselway ad iseɣli nniḍam aqdim, ad ireṣṣi tugdut d
tlelli, ziɣ netta yeqqar:  » rrǧut kan, tin i d-iteddun ad
awen-d-teglu s talwit
d usirem… ».

Ass-a, ma yella d tidett at ufella ran ad sselḥun tamurt s tugdut d tlelli,
mačči s ubeddel n leqwanen. Yessefk ad muqlen s telqayet d acu yebɣa Weqbayli.

2 COMMENTS

  1. Aṭas n tlufa qqimen-t akken ur frint ara, ass-agi uγalent-aγ d aεekkur, d buberrak. Tamurt tugi ad taff iman-is.
    Wid yuzzlen, yewten γef tmurt akken ad sseγlin azaglu , akken ad d-rren tilleli i wegdud, drusit akkeya seg-sen wid i d-yewwin γef umezruy n tallit-nni. Ladγa ladγa wid iqqedcen d imeγnasen deg ikabaren n yimiren. Wid yuzzlen, ddren, kkin di tedyanin n yimiren.
    Ass-a nnan ur d-yeggri laman d wid iberken yef udabu; tilelli ur telli n wass-a ur telli n uzekka!

  2. Aṭas n tlufa qqimen-t akken ur frint ara, ass-agi uγalent-aγ d aεekkur, d buberrak. Tamurt tugi ad taff iman-is.
    Wid yuzzlen, yewten γef tmurt akken ad sseγlin azaglu , akken ad d-rren tilleli i wegdud, drusit akkeya seg-sen wid i d-yewwin γef umezruy n tallit-nni. Ladγa ladγa wid iqqedcen d imeγnasen deg ikabaren n yimiren. Wid yuzzlen, ddren, kkin di tedyanin n yimiren.
    Ass-a nnan ur d-yeggri laman d wid iberken yef udabu; tilelli ur telli n wass-a ur telli n uzekka!

Comments are closed.