Nefren ddel, wala ad nbeddel

3
251

Ayen i nḥemmel di teqbaylit d lhem, nettaf-as-d ssebba i s wayen ɣlayen ɣer-neɣ.
Nekker i wedrar s wuffal, nekkat nettraǧu ad d-yer ṣṣut.

Nɛeffes, nrekkeḍ deg wakal, akal i deg i d-nefruri. Nutni qqaren-aɣ ansi-ken? kenwi mačči n d agi! Snulfuyen-aɣ-d iẓuran i wakken ma nesseḍlem-iten yiwwas ad aɣ-d-inin: “ula d kenwi d at berra i tellam.”

Maca, ayen i aɣ-isefcalen d taɣennant ur nesɛi sser. Ayen i aɣ-isefcalen d yir tismin. Ayen i aɣ-isefcalen d yir laḥsab d tmuɣli s tebrek n tiṭ akked lexṣaṣ n tmusni.

Nẓehheḍ deg waḍu, nekkat mezlelli, neččebbiḥ i wulac, nettzuxxu s wayen i aɣ-d-yezuɣer waḍu, ɣas akken d aɣebbar s alen i aɣ-d-yettawi. Awi-d kan ad necuf tidmarin-nneɣ sdat waḍu, ad nhuzz tuyat, ad nettɛennin i lebɣi n tmuɣli n wiyaḍ.
Nettuɣal d ugur yezgan deg webrid n wid iran ad ɣeṣben tikli, acku reglen i nnger yeddan deffir-sen.

I Kečč a wagi yaɣran? Yak tfahmeḍ, tesneḍ? Maca, ɣef wayen akka i d-iḍerrun tesusmeḍ, tugiḍ ad d-temmeslayeḍ, ur iban ma yella tugadeḍ neɣ tettikkiḍ. Ur tban tikli-k ɣas seg-k wiyaḍ rǧan amwiwel.

Neǧǧa annar deg-s i yesarwaten d at iččumar. Ur nezmir ad t-id-nini, ur nezmir ad nesusem. Atan wwḍen tudrin d tzarbatin.

Nefren ddel, wala ad nbeddel. Aɛdaw nessen-it maca nugi ad ten-qabel.
Yal wa yettraǧu win ara d-yezwiren…dɣa nuɣal akk d inegura.

Irnaten Murad

3 COMMENTS

  1. Win yeγran yessusem ur s-id-issaḥ ula d amḍiq anda ara d-yini kra n wawal, wamma wiyaḍ ttewxelsen a d-inin ayen bγan, s wacu akk ara beddlen allaγ i yeqbayliyen, reğmen-d deg imaṭṭafen, tiliẓri, iγerbazen, leğwameε, yerna ineggura-yagi gan-asen les haut-parleurs i wakken ccix a γ-irebbi s ttrebga n Nnbi, am akken yeqqar taεrabt d awal Rebbi, lḥiğab d tunṭic Rebbi, wid ur tent-neqbil ara di laxert ad terwi fell-as.

  2. Win yeγran yessusem ur s-id-issaḥ ula d amḍiq anda ara d-yini kra n wawal, wamma wiyaḍ ttewxelsen a d-inin ayen bγan, s wacu akk ara beddlen allaγ i yeqbayliyen, reğmen-d deg imaṭṭafen, tiliẓri, iγerbazen, leğwameε, yerna ineggura-yagi gan-asen les haut-parleurs i wakken ccix a γ-irebbi s ttrebga n Nnbi, am akken yeqqar taεrabt d awal Rebbi, lḥiğab d tunṭic Rebbi, wid ur tent-neqbil ara di laxert ad terwi fell-as.

  3. Win yeγran yessusem ur s-id-issaḥ ula d amḍiq anda ara d-yini kra n wawal, wamma wiyaḍ ttewxelsen a d-inin ayen bγan, s wacu akk ara beddlen allaγ i yeqbayliyen, reğmen-d deg imaṭṭafen, tiliẓri, iγerbazen, leğwameε, yerna ineggura-yagi gan-asen les haut-parleurs i wakken ccix a γ-irebbi s ttrebga n Nnbi, am akken yeqqar taεrabt d awal Rebbi, lḥiğab d tunṭic Rebbi, wid ur tent-neqbil ara di laxert ad terwi fell-as.

Comments are closed.