Timlilit n ddabex uḍar teɣleq tiwwura n iɣerbazen ɣef 14t00 deg temnaḍin n Sidi Σic, Timezrit,Leqṣer, Sedduq, Aqbu, Bgayet d tiyyaḍ.
Iḍelli n 11 yennayer 2010, ɣef 11t00, 4 n timar uqbel ad tebdu timlilit n Lezzayer d Malawi, bdan igerdan seddaw 12 iseggasen ffɣen-d ɣer izenqan n Sidi Σic, lḥacyat deg yifassen-nsen, cennun « « One, Two, Tree… ».
Γef 14t00, tiwwura n yiɣerbazen ɣelqent s wudem unṣib deg waṭas n tamiwin n Tmurt n Yeqbayliyen, ma yella mačči deg tmurt n Lezzayer yakk. Dɣa, yiwen ur yeẓri anwa i d-yumren i wakken ad ssufɣen inelmaden seg yiɣerbazen ɣef iddra n temlilit n dabex uḍar.
Timlilit tekfa s lexsara n terbaεt « taɣelnawt », tasusmi tuɣal-d ɣer temdinin tizzayriyin deg uraǧu n temliliyin nniḍen d wugar n wussan nniḍen wer taɣuri. Tikli n Yennayer iɣer d-yeɣra umussu n Timanit i Tmurt n Yeqbayliyen tezmer tura ad d-tili s talwit, ma sxerben-asen-tt isuɣan n « One Two Tree… ».
