Sɛid At Mɛemmer amɣar azemni atrar

3

S usefru iɣ-d-yesmuḥyet tamacahutt. S cbaḥa n walal i aɣ-yezzuɣer ɣer telqay n unamek.

Mačči ass-a i d-yennulfa, tesnemt akk, isem-is Sɛid At Mɛemmer. Ildi-d allen-is i tkelt tamezwarut di taddart n At Meslayen ass n 9 di yunyu, aseggas n 1966 di Tmurt n Yiqbayliyen.

Tameẓẓuγt-is seg wasmi yella meẓẓi ar ass-a tezga twelleh s ayen d-yeqqar Mass Messus, ulac melmi yesserfa Beẓẓi bu lkuca, wala dadda-twen Meṛẓi. Daγ netta d leḥdaqa-yagi-ines yakk i tyeğğan yedder ar ass-a ideg d awen-d-yura adlis-agi nwen, i kenwi kan, ay arrac-nneγ.

Ma ur tuminem ara yakk annect-a, ad ternum kan akka cwiṭ, ad timγurem, imiren ad ssgemḍent wallen-nwen akka acemma, a d temlilem Ameẓyan Kezzar, bu weγyul-nni n Ğanğis, steqsit-tt!

Ma yella qqdent wallen-nwen, ma yella ifud wallaɣ-nwen tzemrem ad tarzum s asxerbubec-ines deg-s ad tafem tala n tmusni, tisit seg-s ad tili ala i kenwi, acku akken iqqaren wat zik “win ifuden, yeffi-d!”

Tikli-s di tira ur taḥbis ara kan da, yebɛed wansi i d-yusa, yebɛed s anda i teddu, daddat-wen Sɛid! Di tikli-nwen, nadit ula d kenwi ɣef Wakli Aezwaw i iḥeḍren i “yimeṭṭi n bab idurar” amek it-id-yerra d asefru ɣezifen am teɣzi n targit-is akked yeswi n Sɛid: asǧǧuǧeg n teqbaylit.

Sɛid iseqreb-awen-d tamusni i wakken ad teẓrem kra seg wayen yura Brecht, Kafka, Heine, Hesse, Mann… ad tafem yesmuḥyet-it-id ɣer teqbaylit.

Deg unadi-nwen i wakken ad tissinem amdan, ur yebɛid ara fell-awen, ur yezmir ara ad awen-yaɛreq ma yella teɣram “Ungalmezgun” ! Ur iban ma d ungal neɣ d amezgun. Akka i as-iga isem! Anida ara t-afem?

Iḥeqqa ttuɣ ur wen-d-nniɣ ara, “Ungalmezgun-agi” mazal ur d yeffiɣ ara, maca ur yettɛeṭil ara ad d-yeffeɣ akken daɣen ara d-fɣen wiyaḍ am “ wamud n tullisin” d “ wamud nniḍen deg-s 400 n isefra. Adlis n yinnan (isefra imecṭaḥ, ɣer waya yerna-d “tisnimirin” (Chroniques).

Imifat tellam seg wid iḥarcen, yeṭṭurcen iban teslam s watmaten Grimm? Teslam s tmucuha-nsen, yellan d lsas n tsekla, twalam amek i d-zzint i umaḍal, amek i kecment di tmettiyin, sedhant, rebbant igerdan yellan deg umaḍal.

Ihi daddat-wen Sɛid At Mɛemmer yerra-yawen-d ɣer teqbaylit 13 si tmucuha yagi n watmaten Grimm, i wakken ad yili, ula d kenwi, wayen ara terrem ɣer ddaw tuɛlect, ad awen-yesselmed yes-sent amek ara timɣurem, ara tesmeɣrem tirga-nwen. Deg wamud-agi ad tafem daɣen timucuha nniḍen i d-yerra ɣer tutlayt n Muḥend Uyeḥya, am tid n Asrid Lindgren akked tiyaḍ nniḍen.

Ma d amaynut d-yefɣen ddurt-a d tid-ak n Warek d Wasin! Ahaqel ur ten-teɛqilem ara d anwi-ten sin yemcumen-agi? Wigi ihi d Max d Moritz at txidas d tmurdas, iselben madden d tirni. D taneggarut n Sɛid d-yefɣen ɣer teẓrigin Lulu.com, i awen-d yelqeḍ abrid-a si tutlayt n Heinrich Christian Wilhelm Busch.

Ilaq kan ad teẓrem belli Sɛid yaxḍa tixidas, mačči d win d-yettawin tid-ak n “uɛeqqa n yired yesnen acrured!” Maca seg wid iḥemmlen tigzi akked tiḥerci, uḥdiqen akka am kenwi, yettmeyyizen i wayen iteggen. Ɣur-wat ihi ad taɣem abrid n Warek d Wasin, ad ken-ttwalin madden s tebrek n tiṭ, mawel ad tɛeddim ula d kenwi di tessirt.

Ad awen-iselmad belli d ayen ara tgem taṣebḥit ara tmegrem tameddit. Ddut-d ihi yid-s ad awen-yini: “Abbaḥ! Ayagi diri-t!” Acku, win ixeddmen deg wayen n dir, dulqrar “fell-as ad d-tezzi tmeddit!” Hemma! ihi “ay arrac, a yimurac, a tiqerray n yemcac!” Timucuha n Sɛid am teftilin ara reqqent deg wallaɣen-nwen.

http://www.lulu.com/shop/s%CE%B5id-at-m%CE%B5emmer/warek-d-wasin/paperback/product-20739852.html

3 COMMENTS

  1. Wagi ala zzux deg’s d usburref. akken qqaren ittvab usigna s tekka-tnegh refed-it yujjaq sers-it yujjaq.
    Amer tamedyazt gher-s i tehbes tilli ad aahdegh asefru C’est bien d’être sympa modeste et accessible Ce qu’il n’est pas bien entendu.

  2. Azul, awal yuḥwağ asefru am akken dγa yeqqar Sεid, d amedyaz am imedyazen akk yekkaten i wakken ad ssalin awal n teqbaylit, timucuha d tedyanin i d-yessegza s usefru: am « imeṭṭi n bab idurar » yellan deg ungal n Wakli Azwaw, d ayen igerrzen win t-yeγran a ten-iru d imerγanen, imi d tadyant n tmetti-nneγ i d-yefran s usefru, ihi ad nekker s tura ad nḥuf γef tmacahut-a n Warek d Wasin i wakken ad negzu tifrat-is, acimi d wacu i ten-yerran akka d imcumen?.

  3. Tamzizelt n tullist / Concours de nouvelles

    Dans le cadre du 6e Feliv, prévu du 13 au 22 juin prochain, un concours de nouvelles est lancé depuis le 25 février dernier dans les trois langues (arabe, tamazight et français).

    Le concours s’adresse aux jeunes âgés de 18 à 30 ans et a pour thématique : «Identité». La nouvelle doit être inédite, jamais publiée ni primée et composée d’un maximum de 15 000 signes. (Les pages format A4, doivent être numérotées, agrafées et saisies sur le recto seulement, police Times New Roman, corps 12). Les nouvelles doivent être envoyées avant la date du 6 juin 2013, à l’adresse postale :
    Concours de Nouvelles Commissariat du Feliv 11, rue des Cèdres, El Mouradia – Alger

    Ou par mail à l’adresse : feliv6.concours@gmail.com

    Les candidats devront accompagner leurs nouvelles des renseignements suivants : nom, prénom, date de naissance, adresse, numéro de téléphone, adresse mail (facultative).
    Un jury composé d’écrivains, d’universitaires et de journalistes sera chargé d’établir le palmarès et de remettre les récompenses (chèques) le 22 juin 2013. (lauréat du concours : 150 000 DA, 2e ; prix : 100 000 DA ; 3e prix : 50 000 DA).

    assaɣ n internet : http://www.elwatan.com/culture/concours-de-nouvelles-12-03-2013-206387_113.php

LEAVE A REPLY

Please enter your comment!
Please enter your name here