Tiddukla n ccix Aḥeddad tessewjed-d yiwen unamal ɣef tudert n Ccix Aḥeddad si 8 akked 9 deg yibrir. Deg anamal-agi; ad d-smektin tasuta n wass-a ɣef wazal yesɛa urgaz yecban Ccix Aḥeddad s yisem-is aḥeqqani Muḥend Ameẓyan Ben Ɛli yuɣalen d amedya n tissas akked tirrugza.
Ccix Aḥeddad yuɣal yisem-is d amedya n tnekriwin tiɣerfanin i yellan mgal amnekcam afransis mbeɛd 1830, netta ilul di1791, yesdukel agdud, yerna issker-d lḥir deg-s akken ad nnaɣen mgal amnekcam.
Am akken daɣen ara d-sneɛten azal n ugdud Aqbayli di tnekra n 1871 mgal amnekcam.
Di temlilit-agi aṭas n wid ara d-yerzun ɣer Sedduq akken ad d-fken awal-nsen ɣef tudert n Ccix Aḥeddad.
Am akken daɣen ad d-tili yiwet n tmeɣra,timlilit n ddabx uḍar ger yimyuraren iqdimen n JSK, akked yiwet n tazzla n yinaddalen n ssumam.
