Ccwal mazal ar tura yettkemmil ger imezdaɣ n Semɛun akked iǧadarmiyen ass-a n lḥed 16 ṭuber.
Sebba n wayagi d iǧadarmiyen i iḥebsen abrid ɣef imezdaɣ. Tasebḥit n wass-a imezdaɣ n Yiẓnagen belɛen abrid n lwilaya yettawin ɣer Bgayet akked Semɛun. Imezdaɣ-ayi ran ad d-seknen lɣiḍ-nnsen mgal timerna di ssuma n itikiyen n ttawilat uṣiweḍ. Syin akin d iǧadarmiyen n tɣiwant n Semɛun i d-igren iman-nnsen ad s wexṛen imesbaniyen. Ayagi isnerna d i zzɛaf n imesbaniyen i d-yeglan s ccwal ger iǧadarmiyen akked imesbaniyen-agi. Iǧadarmiyen wwten-d s lbumbat n lakrimujan.
C.W
