Si rregmat ar lemwas…inelmaden Iqbayliyen mazal d iseflawen..

3

Ur rkident ara tlufa n rregmat akked lkreh n yimdebbren n tesdawit n Sṭif, almi tessaweḍ ɣer lmus akked tgallit ɣef yinelmaden d akken ad ttwiṭṭfen di berra ad ččen tiɣrit.

Aya yella-d ticki n taluft-nniḍen i d-yeḍran tameddit n wassa deg tewwurt n uɣaram asdawan Buxrisa ( Boukhrissa ), imi d yiwen unelmad seg Tizi wezzu i yetturegmen s yemma-s sɣur iεessasen n tewwurt; ur teḥbis ara dagi imi anelmad-a ur as-yeεǧib ara lḥal ladɣa yewhem u yebda la ihedder yid-sen, iεessasen-nni nnan-as waqila kečč ur teqniεeḍ ara yella wayen ara ternuḍ; ladɣa fkan-as tiɣrit deg sin.

Anelmad iruḥ ar yimdebber n ugezdir akken ad yeccekti ladɣa zwaren-t widak yewwten.
Imdebbren n useqqamu asdawan n umussu n timanit sdukklen-d akk inelmaden uɣaram akken ad nnejmaεen, ayagi d ayen ur neεǧib i unemhal n uɣaram i yessutren seg yinelmaden ad as-d-inin ayen bɣan d wayen ixussen.

Yebda umeslay ger unemhal akked yinelmaden ineggura-yagi yewweḍ-iten-d lexber d akken yiwen uqeddac deg tniɣlust ireggem deg yinelmaden u yerna yesseɣli-d i yiwen unelmad, d ayen i ten-yeǧǧan ad ruḥen ar ulmessi anda ur uminen ara allen-nsen; axeddam-nni yebda rregmat ladɣa tagallit belli win d-yemlal di berra ara s-yesserwu tiyiti.

Inelmaden yebda-ten-id reffu imi ur asen-yeǧǧa ur asen-ixellef, bdan ttεeyyiḍen belli ad t-stixxren seg uxeddim-is, din i d-yejbed lmus yettazzal ɣef yinelmaden, iḥunn rebbi ur d-iḥuza ḥedd.

Seg tama-nsen, mazal ur msefhamen ara yinelmaden ɣef tigawt ilaqen maca imdebbren useqqamu asdawan n umussu n timanit d wid i d-yufan iman-nsen fergen s yimdebbren n tuddsiwin n udabu akked yiɣallen n teɣlist imuffiren.
Imdebbren d wid yesxedmen leḥdaqa-nsen, acku ldin allen akken ur yettili ara kra n lexdeε sɣur wigad-agi yettaεraḍen ad ssexsin taluft.

Ccwalat akked wurfan mazal-iten maca ur d-yelli kra n rray yesdukklen inelmaden, ɣef aya imdebbren n useqqamu asdawan ṭṭafaren ayen ara d-yeḍrun s leḥder acku fehmen tuzzya n imuffiren.

Sya ɣer umaynut ara d-yilin www.tamurt.info ad as-d-yaweḍ deg lawan imi ibeddi deg wannar deg yiḍ deg wass.
Di taggara d awelleh kan:tuget n yinelmaden i yebdan anejmaεu akked lḥers ɣef unemhal akked yiεessasen d Iqbayliyen maca inelmaden Aεrabawalen d wid i d-ibanen mi d-teɣli tallest.

3 COMMENTS

  1. A k-wwten yerna ad zwiren ad ccetkin,akka i tella seg zik-nni, di 1857 mi d-teẓdem Fransa af idurar, d iserdasen n l’imir leγvar i refden ifasen-nsen ar Fransa,i d-tewwi kksen sser deg tuddar n Leqvayel, levγeḍ-nni yeggra-d ar tura deg ulawen n tervaεt n Wejda, i d-keccmen i 62 ḥewsen azarug, ttrebbin-d lekreh di Lezzayer, mgal Leqvayel. Ass-a ur d-yeggra usirem neγ laman deg-sen, ilaq ad nettkel γef yiman-nneγ ma nevγa ad nemneε cwiṭ n yiseγ i γ-id-yeqqimen.

  2. zzran d’acu ya¥ daymi i¥ kerhhen akka,dayen llan lejdud n’sen isen iruhen idd ttwallin yurne¥,nwan aten-t hemel dewla taheqarat daymi ttaeraden a¥ heqren,nwan a¥ suggden akken an ettu d acu ya¥ akken an u¥al am nutni.ma nwan yeshel att semhedd deg tjaddit-ik ula d i¥ersiwen ur tt xedimen ara.win uyumi truh tnaslit ula ayzddeg nddama.ihhi ilaq ad zzren d’iqvayliyen i nella werjin a nu¥al dayen nidhen.

LEAVE A REPLY

Please enter your comment!
Please enter your name here