Smana tadelsant i lmend n yennayer deg uɣaram asdawan Aεemriw

0
272

I lmend n useggas n Yimaziɣen 2960, aɣaram asdawan Aεemriw n lwilaya n Bgayet iga-d yiwen n wahil d amarkanti i d -heyyan inelmaden n uɣaram-a seddaw tecḍaṭ n yiwet n tdukla tadelsant i wumi semman ITRAN. Ahil-a d win i yebdan seg 10 ar 14 yennayar 2010, dgɣa ass n 10-01-2010 tella-d yiwet n tefsirt (exposition) i yebdan ghef 10:00 n ssbbeḥ, aya s yedlisen n tmaziɣt, akked leεwayed tiqburin n tmurt n Leqbayel, ma ɣef 21:00 n tmeddit sεeddan-d asaru i d-yettmeslayen ɣef yennayer. Ass n 11-01-2010 mazal timsikent tettkemmil. Γef 21:00 llant-d kra n tugniwin ɣef yennayer. Ass n 12-01-2010 seg 10:00 ar 15:00 n tmeddit tella-d yiwet n temsizelt n usewwi i d -heyyan inelmaden n uɣaram, ma ɣef 21:00 uraren-d yiwet n tceqquft n umezgun. Ass n 13-01-2010 ɣef 21:00 n tmeddit ad yella-d yiwen n usarag sɣur BRAHIM TAZAGHART i d-yewwi awal ɣef yennayer, anda i d-yella usqerḍec ɣef watas n temsal. Tagara n ddurt tadelsant ad tfak ass-a n 14-01-2010 s yiwet n tmeɣra ara d-yilin ghef 21:00 n tmeddit.
Yennayer ameggaz.