Suq letnin ( Bgayet ): Tikli n imezdaɣ i wakken ad sutren lgaz n lḥiḍ

0

Iḍelli n letnayen 19 di maɣres, imezdaɣ n Suq letnayen gan yiwet n tikli d tameqrant i wakken ad sutren deg wid terza temsalt, ad asen-d-gren lgaz n temdint ɣer yixxamen. Imesbaniyen-agi suɣen s ṭul n ugerjum-nnsen s imeslayen qessiḥen mgal imḍebren yessusmen.

Imezdaɣ-agi uran ɣef tceṭṭiḍin anda nezmer ad-nɣer  » Lgaz di Lezzayer, ametteɛ di Europe », « 10 n iseggasen d araju …barakat ».

Imesbaniyen-agi lḥan deg webrid aɣelnaw wis-9, syin tekfa tikli zdat n lemqer n Dayra, anda amussu n tdukliwin n yettmetilen 3 tɣiwanin, Suq letnayen, Tamrijit akked Melbu fkan cikaya i aselway n Dayra.

C.W