Taddart n Tala n Ḥelwa tessutur ɣas cwiṭ n unegmu

0
220

Imezdaɣ n taddart n Tala Helwa i yellan deg tɣiwant n Lmeqrani – Tubiret -, ssutren seg yimdebbren n lwilaya ad d-mmuqlen ɣur-sen, ad sen-d-fken amur-nsen n unegmu.

Aṭas n lexsas i yellan ama deg tmezduɣin, neɣ deg yisenfaren niḍen ara sen-yessifessen tudert n yal ass ; ladɣa abrid n lwilaya i yetteqnen gar taddart-a d tlemmast n tɣiwant s teɣzi n 5 n yikilumitren, atan deg yir addad; seg wasmi yettwaxdem deg yiseggasen n 80 -azal n 30 n yiseggasen-aya-, ala yiwet n tikkelt i yettwaqeɛɛed akka amacemma! Akken i d-nnan yimezdaɣ, lihala n yiberdan deg tɣiwant-nsen s umata, ur tessefraḥ ara.
Akken d-nnan daɣen yimezdaɣ, urjin d-tesfaydi taddart-nsen s tafat n yiberdan (eclairage public), d ayen i yesnernan deg teggdi-nsen.

Ɣef laman ɣur-sen, rnu ɣer waya tuqqna n taddart-nsen s waman n tissit txuss xersum deg talliyin n unebdu.