Taddart Tameqrant ( Bgayet ): Imezdaɣ cetkan ɣer imḍebren n lwilaya

0

Lexsas n waman, yir iberdan akked tugett n yiḍuman deg iberdan yesserfa imezdaɣ n Taddart tameqrant di tɣiwant n Amizur.

D anect-agi i yissawḍen imezdaɣ-agi ad cektin ɣer wid teɛna temsalt ass n tlata 9 deg waggur n tuber.

Imezdaɣ n taddart-agi, nnan: » ɣas iffeɣ unebdu, mazal aman xusen di taddart-nneɣ ». Am akken daɣen i ttcetkin ɣef yir ḥala n webrid yettawin ɣer taddart. Dɣa wid isexdamen tikeryas, ḍruran s waṭas. Rnu ɣer-s, imezdaɣ-agi wehmen d acu i yeǧǧan imeḍbren ur jmiɛen ara iḍuman imi ayagi iḍur imezdaɣ s yir rriḥa, izan d tizzit akked waṭanen i izemren ad d-nnulfun.

Ouanoughi Cherif