Tadiwennit n Ulhim (II)

0

(TAMURT)- Ulhim: sseqsi-yi-d, ur teffreγ ara fell-ak, ayen γef tebγiḍ ak-id-ǧawbeγ fell-as.

-Bulla: d acu n tḥilett* i tessexdameḍ akken ad tkecmeḍ, ad tesseγwuḍ ul n wemdan mbla lameṛ n bab n txelqit?

-Ulhim: ur tufiḍ d acu nezmer at-nexdem mbla lameṛ n Sidi Ṛebbi, maca ilaq-aγ a neddu si tmuγli i tarwa n Sid nneγ Adem, a ten-wehhi ar txessaṛt-nsen.

-Bulla:s wacu imrigen* i tent ttnaγem?

-Ulhim: nettnaγ-iten s irumsa nsen*. Nesnernay beqqu n tḍeffi-nsen akked affaz*, nessaγay, nessenkar beqquwat n zzhu n dunnit. Nettḍeggir fell-asen aγemγum n ṭaylal akken ad ruḥen di lγerq n tirga-nsen mara ili-n γeflen. Nessedhuy-iten s tẓallit, nreddem-iten s ssikṛat-nsen. Nessendag deg ulawen-nsen laεqel n uṛaγ d wedrim d lekdubat ak d cchadat n ẓẓur. Neggar deg ulawen-nsen diγen lkerh d tismin d nnḥas. Ar lawliyat, nettwellih-asen agim* n tmuγliwin alamma nessaweḍ aten-nessibεed deg ubrid n lxiṛ i yessaramen di duεat ttawḍen mara ẓallen s lxiṛ ak d lehna i zerrεen i lxiṛ.

– Bulla: ma tekkateḍ mgal lawliyyat, =atan fehmeγ-ak-in, maca acuγer txeddmeḍ ḍerr i watmaten-ik, d iqeddacen-ik, d ixemmasen-ik, d ikaffriwen-ik?

-Ulhim: ur tnadiγ ara yihwah, maca akken ad ddun yid-i ar ǧahennama i taranfa*. Ulumaεna, Sidi Ṛebbi a yi-d-ittwali, imdanen ilhan, sut ul yeṣfan, ur zmireγ ara a ten-kellexeγ s tḥerci neγ lqewwa inu fell-asen. Ttafeγ lebγi-w s wid d tid γur zgan d imcuḥna, d imyusamen, d imenhas, d wid γef rewlen ineγlas* ilhan. Akken ibγu yili, ulac amdan mara s-d-tellint wallen ar dunnit agi ur t-nesεedday ara di temεaṣṣert u at-nennaγeγ.

– Bulla: amek ara ḥeqqeγ af ayen d-nniḍ akk-a ma mačči d iserrifen?

– Ulhim: d tidett af ayen d-nniḍ, tban akken a tt-id-sbeggeneḍ. Ini-d ma tumneḍ d nekk i ymeqqeṛen u ileqqawi af Σisa-k?

-Bulla: mdah, ayagi dayen ur nella-ara !

-Ulhim: ihi, amen neγ qim ! Nekk wwḍeγ-t imi d amdan i yga. Wwteγ akken as-rẓeγ ṛemḍan imi t-yuγ lḥal di tlemmast n unezruf*. Dγa, a Bulla, Σisa iga d amdan u d Ṛebbi?

-Bulla: ruḥ ak-yexzu Ṛebbi ! Aεni i kečč iwumi ar d leγteγ amek illa Imceggaε n babatneγ wa ak slemdeγ d acu-t Sidna Σisa?

-Ulhim: ay awessar, aseqsi inu, γur-s azal meqqer. Ilaq-iyi ad issineγ kan anwa-t Σisa yagi.

-Susemm ! I s-yenna wemṛabeḍ.

-Aṛuḥani daγen yenna:Ihi, anef-iyi ad lhuγ d ccγel-iw. Iwweḍ-d lawan ad xedmeγ taseγleft γef wid d-ttwamṛeγ ar dagi. Ugadeγ amma ad awḍeγ d amesgani* ar tẓallit !

-Bulla: s lqedra n tmegdalt n umitag a tteqqimeḍ deg umekkan anda k-tuγ, ad tuγaleḍ ar ṣṣifa-k nni tamezwarut i s-id-baneḍ, u ad id-rreḍ s tidett af iseqsiyen meṛṛa ar ak-in fkeγ !

Amawal
taranfa: éternité
affaz: luxe
aneγlus: ange
anezruf: desert
amesgani: attentiste

Hand Berkouk

LEAVE A REPLY

Please enter your comment!
Please enter your name here