Tajmilt i unaẓur Boubkeur Hamsi

2

Yeddem awal, deg tazwara, unemhal n AAB Omar Fetmouche, akken ad yesnemmer anaẓur-amekla -a ɣef wayen ixeddem d tiɣri-ines ar talwit d tayri deg umaḍal s ttawil n telwihin id yesnulfuy yal tikelt.

Si tama-s Boubker Hamsi, yeddem awal, daɣen, akken ad yesnemmer wid iḥeḍren deg umkan, ugar yesnemmer tamurt n Belgique is d-yeldin tiwura-ines asmi i yeffeɣ seg tmurt n Lezzayer, seg mi yesɛa 27 iseggasen ar assa-a. Dɣa, din i tebbaɛzeq ugar tẓuri-ines.

Boubeker Hamsi, ilul deg useggas n 1952 deg taddart n Mezgug deg idurar n At Weɣlis, tama n Sidi Aich, di tmurt n iqbayliyen, yextar abrid n tufɣa seg mi yesɛa 27 iseggasen di tudert-ines. Simal iseggasen ttɛeddayen, simal yettwassen ugar, dɣa, deg useggas-nni n 2009 tettunefka-s cciɛ meqqren(la haute distinction d’Officier de l’Ordre de la couronne) di tmurt n Belgique seg yifassen n tneɣlaft n yidles Fadila Laanan, ɣef umecwar-ines deg tẓuri d wayen akk d-yesnulfa d tilwiḥin, unaẓur-a Aqbayli.

Deg useggas n 1994 Boubeker Hamsi, s yesnulfa-d yiwet n tdukla i umi isemma « AFUS », yes-s i iga yiwen usenfar i umi yeqqar  » Ifassen n usirem » anda i d yegmer yiwen wamud n telwiḥin, yes-sent ara yettwazraɛ wara yeddu, ɣef tikelt, deg wazal n 84 n tmura wawal « Talwit i akk iɣerfan » d  » seg temẓi i ibeddu umecwar akken ad d-tufrar lehna » « Si tu veux la paix prépare l’enfance ». Anaẓur-a yexdem aṭas n tɣwsiwin-nniḍen deg w annar-a, ad d-nebder gar tid anda id yettwafran netta akken ad yeklu, « la station metro » n Lemonnier netta d lemɛawna n Luc Legrand d win yettnadin deg umezruy n tẓuri, ihi, Boubeker Hamsi yessufeɣ-d tilwiḥin meqqren i ɣef klan yifassen si mkul ṣenf d yiniten, akken daɣ i tent-icebbeḥ s dyisekkilen d yizumal n Tmaziɣt sya d sya.

D anmahal n Tgelda n Belgique Christiaan Van Driessche i yeddmen awal n taggara, wa ihi, yeffures tagnitt akken ad d-yenteq, seg Bgayet, taggara n ccɣel-is di tmurt n Lezzayer, yesnemmer aṭas anazur-a yekkin yal-ass deg umqarab n yidelsen akk d umennuɣ ɣef talwit, deg umaḍal.
« Anmahal s tidett d Boubeker Hamsi, d yimdanen am netta id yettaǧǧan deffir-nsen tiɣri n talwit », s wakka id-yekfa awal-is unmahal n Tgelda n Belgique.

Samir At Buɛza.

2 COMMENTS

  1. D ayen igarzen nezzeh imi d-tella tejmilt i unazur-agi nnegh di tudart-id u ih’der-as. Wanag, wiyad alma ewwd’en ar laxart i nettaki dacu illan di tudart nsen!

    Limer ufigh ihi ad d-illint tejmilin nnid’en i yergazen nnegh xas mazal-iten ddren!

  2. Azul
    Daw lehkem unekcam azzayri, d iverraniyen ig tgen thijmilin i Inazoren negh. Ghas akken a prifi n vgayeth, Tuhami n Twaghith, iskanayed udem is deg temlilyin am tiyyi. Ghas akken nezra belli s wallen uâassass n lehevs ig hder deg temlilith ayyi. i
    {{« {seg temẓi i ibeddu umecwar akken ad d-tufrar} lehna}} », d awal ilhan; d targui unazor; dayen itgan akw lgherfan ifkan azal i tudert.
    Maca, mar’ anmuqel ayen iterron deg ghervaz azzayri, netwali akken « {{ {seg temẓi i ibeddu umecwar akken ad d-tufrar} twaghit}} ».
    Ihi ad asnini kan iw nemhal n tgelda n Belgik, thanemirth i thejmilt d wazal ayyi ig ga i unazor aqvayli Bubker Hamsi.

LEAVE A REPLY

Please enter your comment!
Please enter your name here