Takarḍa n tnekkit Taqbaylit

3

D asiher i d-yefka Umussu i Timanit akken yal Aqbayli ad yesεu iseɣ s takarḍa yuran s tutlayt-is s yisem-is akked nnekwa n lejdud-is.

Takarḍa-ya ad d-tbeyyen isurifen akked yiswiyen n Umussu i Timanit i yetteddun afus deg ufus akked Unabaḍ Uεḍil Aqbayli akken ad d-kksen Taqbaylit si tatut akked umezruy.

Yal Aqbayli ukud hedreɣ yid-s, ad d-yewwet deg useεreb yeččan agnes n Teqbaylit ladɣa yessaram s usḥissef taggara n uɣanib amesbaṭli fell-aneɣ.

Ass-a neffeɣ-d si tatut u neḍfer abrid n leqrar acku yessaweḍ u mazal yessawaḍ Unabaḍ taluft Taqbaylit ar yiɣerfan n umaḍal.

Ass-a nekcem amezruy s uzekka i d-yeres Umussu i Timanit i Tmurt n Yiqbayliyen gar ifassen-nneɣ imi tuɣal Tmurt n Yiqbayliyen d tin yellan mačči d tin yettraǧun kra n usteεref sɣur udabu.

Lmulud Yunsi