Tamaziɣt di Tɣiwant n Frankfurt am Main

0
tamazight di franskfurt
tamazight di franskfurt

Win/tin i yikecmen ɣer „Service aux affaires multiculturelles“ n Tɣiwant n Frankfurt am Main di tmurt n Lalman yezmer ad yaf tira n tmaziɣt tettwafser ɣef leḥyuḍ-is. Ad yesmekti yiwen belli taɣiwant n Frankfurt am Main seg useggas n 1992 ara assa d nettat tettaru deg yiḍrisen akkd d isalen-ines am tesɣunin, tibratin akkd wayen nniḍen s tmaziɣt.

Ula d timsulta (la police) akkd tɣiwant n Frankfurt am Main ssufɣen-d yakan aseggas n 1996 yiwen usaru (video) s tmaziɣt. Anida i d-fkan isalen amek i yezmer yiwen ad yessiwel i la police ma yesɛa iɣeblan.

Di Frankfurt am Main yezmer ad yini yiwen ddren kter n 7000 n Imerrukiyen. Amur ameqqran deg-sen d Imaziɣen Irifiyen. Ihi tamaziɣt i tettaru tɣiwant n Frankfurt am Main d Tarifit.

Yella kra n yiwen (tella kra n yiwet) yeẓran ma tella kra n tɣiwant di tmurt n Lmerruk i yettarun s tmaziɣt? Yak tamaziɣt dinna tura d tutlayt tunsibt!