Tamurt n Yiqbayliyen – Amulli wis 10 n tmenɣiwt n Umeẓyan MHENNI

0

S usmekti meqqṛen i d-yettuɣal umulli n tmenɣiwt n umeɣṛas Ameẓyan, mmi-s n umeɣnas ameqṛan Feṛḥat MHENNI; ama di Tmurt n Yiqbayliyen ama di tmura tibeṛṛaniyin, xas qessiḥet tyita, Iqbayliyen ttmektin-d imɣṛasen-nsen yiwen yiwen, akken i yeqqar Umeẓyan: wid yemmuten, wid ara yernun, amennuɣ-nsen ad yeqqim i lebda.

Xas timenɣiwt Umeẓyan tella-d di Fṛansa, tasusmi udabu Afṛansis akked teɣdemt-is yessakan-d afus amesbaṭli n Lezzayer i yewwten Feṛḥat ar tasa-s akken ad as-iṛeẓ afud yekkaten ɣef tlelli n Uɣṛef Aqbayli i yettkemmilen s yifassen ilmawen amennuɣ s Unabaḍ-ines Uεḍil akked Umussu i Wefraniman.

Ameɣṛas n tlelli, d argaz i yemmut, yerna ar yizmawen imi yenṭel di taddart-is akken itt-imenna.

Mouloud Younsi i Tamurt.info