Tamurt n Yiqbayliyen – Izen n tikkin n mass Masin Ferkal i Usarag Aɣelnaw Aqbayli

0

Timeddukkal,
Imeddukal,
Azul,
Ulamma ur zmireγ ara ad iliγ yid-kent/wen di temlilit-agi, dacu εerḍeγ ad iliγ s yizen-agi-inu.
Ssarameγ timlilit-agi ad d-teffeγ s wayen ara d-yawin ayen ilhan i tmurt n Leqbayel ; ayen s wacu amennuγ-nneγ i tlelli n Tmurt n Leqbayel ad yaẓ ar zdat.
Nekk, akken ttwaliγ tilufa, ass-agi ur d-yegri yara kra n uṛaǧu ḥala ma yella nebγa ad neṭṭallay di tmurt-nneγ tetteddu ar uẓekka i s-γzan wid yebγan ad aγ-snegren ; aẓekka i s-iγez udabu azzayri.
Ass-agi, ilaq ad d-iban dacu nebγa.
Nebγa ad nili, neγ ur nebγi wara ?!
Dacu waqila timlilit-agi ma tella-d, d akken nebγa ad nili.
Ihi yiwen ubrid kan i γ-id-yegran : d abrid n umennuγ γef tlelli-nneγ, γef timunent n tmurt-nneγ.Amennuγ i wakken ad nekkes azaglu i γ-yerra udabu azzayri s tiεuṛbebt d
tneslemt.
Acengu iwala dacu i ixeddem; Nekni, ilaq ad nissin dacu
ara nexdem.Yeqqim-aγ-d kan ihi ad tt-nefru yid-s : d netta
neγ d nekni.
Ass-a ilaq-aγ ad ncemmeṛ i yiγallen i wakken ad neqdec γef tmurt-nneγ, i wakken ad tt-id-nesban d tamurt gar tmura-nniḍen. Nekni ad d-nban gar yegduden n umaḍal s
udabu-nneγ, s tutlayt-nneγ, s umezruy-nneγ…