Tamurt-nneɣ tettruḥ zzat wallen-nneɣ

2

Kra niḍnin nnan-d belli d nutni, s timad-nsen, i d-yettruhun ɣer tḥuna
ttaγen-d s waṭas (ayefki, tmer, aɣrum akked waman). D annect-a i
yessumen imawlan n tḥuna-ayi belli d rebrab i yetttaγen annect-a yakk
n yisufar.

Lεesker akked « les patriotes » bdan asirkli deg wedrar n Wectug akked
imeḍqan i s-d-yezzin. Nezmer ad d-nini mkul tazemmurt s uεeskri; rnu
ceyεεen ɣer taddart n Tiwal (800 imezdaɣ), 4 ikamyunen ččuren d
lεesker, nudan-d yakk iḥerqan-is : Aclif, Tirejwanin akked Saḥel. Bla
ma nettu ibaraǧen deg yiberdan yettawin ar tuddar i isuman adrar n
Wectug.

Lεesker mkul m’ara d-yerzu ar wemḍiq ala tiwuɣa i ixeddem: yegla-d s
userγi n teẓgi n Wectug d tguri n lxuf deg wulawen n yemdanen.

Adabu n Lezzayer yeqsed-d s tidet ad icemmet tamurt-nneɣ, tamurt n
Yeqbayliyen. Kra yellan d tama ad d-tezziḍ ɣer-s ad tt-tafeḍ d
taberkant.