Taqbaylit teḥwaǧ tigawt: Efket-iyi-d afus!

8

War tuzzya tunnḍa, bɣiɣ arraw n taddart-iw (Tiwal, At Mεuc, Bgayet) ad lemden tira n teqbaylit, ad tt-sseqdacen yal ass. Amkan yella. I ulac ala ASELMAD. Nezmer ad d-naf kra n uselmad ara yesseɣren kra n wussan, maca ur nzemmer ara ad nelmed tutlayt deg kra n wussan kan. Yerna i wakken medden yakk ad sen-tettunefk tegnit ad sen-teεjeb teqbaylit, ad amnen belli ula d nettat d tutlayt i izemren i kra yellan, syinnakkin ad tt-lemden, yessefk aselmed-is ad yili d win yezgan yella, mačči deg kra n wussan kan, dɣa tefra tfuk. Γef aya yessefk ad nxelleṣ aselmad ara d-nawi.

Atan ihi d acu i d-ssutureɣ deg-wen:

– Ad iyi-tεiwnem deg ujmaε 1200 euros, lexlaṣ n uselmad-a: 100 euro/aggur.

Ma yella nella deg 20 yid-neɣ, 05 euro i waggur i yiwen ad awḍent 100 euro.

Nekk d acu ara xedmeɣ?

– Mi ara nessiweḍ ad d-nejmeε 1200 euros, ad tekleɣ belli yakk tijernaṭin n uselmad llant, imir-nni ad bduɣ anadi ɣef uselmad.

Deg Lezzayer, arut i Berkus Tiwal: bercus80@gmail.com

Deg lɣerba, arut i Dalila n Micli: dalilakabyl@hotmail.fr

– Wid i d-ibezren, ɣur-sen azref ad sen-d-qqareɣ yal taggara n waggur ayen yakk yeḍran s telqeyt : (acḥal inelmaden i d-yusan, aswir-nsen, iɣeblan-nsen.. acḥal n timar i yexdem uselmad, d acu-tent temsirin-is, tidmiwin-is, iɣeblan-is..atg)..
ɣaf aya, ad d-snulfuɣ aggay (tarbaεt) da deg facebook, ilmend n waya.

Tanemmirt-nwen

Tikta-nwen, anṣuf yes-sent.

{{Berkus Tiwal}}