Tasenawit Ceɛban ɛmer, Aweqqas – Melmi ara yekfu lḥif ɣef Tmaziɣt deg uɣerbaz azzayri yeḥfan…?

3

Ayen yessewhamen daɣen d akken tanmehla n wanna (ttrebga) tseɣta akk tucdiwin yella-n, d ayen tamaziɣt am aken ulac-itt.

Ar melmi tixidas-a n udabu amesbatli ɣef tutlayt-nneɣ tayemmat. I usmekti deg ussan-nni imenza mi ldin yiɣerbazen tibura-nsen deg ctember 2013 yezrin Tamaziɣt tečča tiyita deg taddart n Merwaḥa taɣiwant n Xerrata, imi tanmehla n wanna (ttrebya) n Bgayet tceyyeɛ yiwen n uselmad ad yessɣer deg yiwen n uɣerbaz amenzu.
Arrac n uɣerbaz-a ferḥen d ayen kan acku ad ɣren s tutlat-nsen Dacu kan lferḥ-nsen ur iḍul ara imi yiwen seg at iccumar n tama-ya yugi-asen, yesḥbes aselmed n tmazight s tallelt n tenmehla n Bgayet.

Dacu kan askeɛrer ɣef tmazight yebda-d sɣur lemqeddem n Falastin, deg temdint n tizi wezzu, imi yewzen tabrat i udabu i wakken inelmaden n falastin d awezɣi ad lemden neɣ ad ɣren tamaziɣt.
Di taggara anida-ten widak i yessuturen asenṣeb n tutlayt n tmaziɣt ad ilin ɣer yidis n yinelmaden-a, neɣ d asuɣu kan… akken i as yenna Lwennas: lḥif ɣef lḥif, yal taluft tɛerḍ-ed uletma-s.

Sɣur Iɣil wis i Tamurt.info