Tezdeg d twennaṭ deg tmurt !

3

Tamurt-nneγ tumes, terka seg ilefḍan d izuliγen. Tuddar-nni n Leqbayel yellan zik ttirriqent agummaḍ, ass-a uγalent ssdent seg wammus d ilefḍan.

Γas ulamma tuddar zik gant allalen amek sizdigent tawennaṭ, tiliwa d wayen akk ideg ttidiren, tilufa–agi ur qqiment ara kan deg cbaḥa. Deg taddart n Tqerbuzt, tamnaṭ n Tubiret, akken d-yenna Rezak « azgen n taddart akk yuḍen imi asif ideg i γ-d-wwin aman n tissit iluγ. » Dγa netta snat n tikwal i iga aparasyun (opération) akken ad d-yekkes iẓra!

Tagnit-a tessufeɣ-d ul n waṭas n yemdanen, am mas Lamara i d-yeswjden yiwen uṣenfar i wumi iga isem “I wakken Tamurt n Leqbayel ad tuɣal d tazedgant”.
Tiktiwin d leqdic ɣef temsalt-a ilaq ad d-yekk seg yal tama akken ad tizdig tmurt-nneγ, akka imezdaɣ-is ad affen iman-nsen!

Wid nesteqsa nnan daγen akken tiγiwanin ur xeddment ara lxedman-nsent, maca ula d igrawen n tuddar bran daɣen i ṭṭbel deg waman !

Llan daγen wid d-yesseknen s uḍad tiddukliwin tidelsanin yellan deg tuddar n Tmurt n Leqbayel. Yessefk ad rrent deg wahilen d leqdic-nsent taluft-agi n tezdeg akked twennaṭ. Imi ma yella tezdeg ur tekki ara deg yidles, ur iban ara d acu ara yilin deg-s ihi?!!