Tiddukla n Numidya : Tajmilt i Muḥend Uharun

0

Muḥemmed Harun neɣ (Masin Uharun) 14 iseggasen aya.
(Ilul ass n 13 Yebrir 1949. Yemmut ass n 22 Mayyu 1996.)

Tiɣri

Ilmend umulli wis-14 ɣef tmettant n « Muḥemmed Harun », tiddukla Numidya n Wehran a s-terr tajmilt s usuddes n tannant i wumi tefka azwel « Ifadden u…zekka », ara d-yilin akk ass n Sem/Lǧemɛa 21 Mayyu 2010, si 9 n tnezzakt (ṣṣbeḥ) alamma d 19 n tmeddit ; deg usideg (axxam) n tiddukla i d-yezgan :05, aɣlad (rue) Montauban. Wid terza tannant-agi :

– 1) Wid iḍefren yakan tannant yezrin ;
– 2) Wid yeqqaren yakan deg tiddukla Numidya ;
– 3) Wid iran ad ɣren ssya d afella.

Tannant-agi ad as-ilin d lmendad : Ṣaliḥa Benmeryem d Ǧamal Benɛuf.

Tamawt : Agerdas n yiseɣ « Muḥemmed Harun » ad yettunefk i tnelmadt tuḥrict « Naǧat Benmeryem » 11 iseggaen deg usemmud (leɛmer)-is, ilmend useḥres yakk d (tuxsa) lebɣi-ines meqqren s wayes teqqar Taqbaylit/Tamaziɣt i wugar n sin iseggasen aya.

Ahil n tannant :

9 n tnezzakt : Alday azamulan sɣur uselway n tiddukla Numidya ( i mazal yeṭṭafar-it ccreɛ n Dzayer si 2003, ilmend ineḍruyen n « Tefsut taberkant ».

9 ar 9 d wezgen : D awal ara d-yawin ɣef : Harun d wayen iɣef yefka tudert-is d asfel ; ɣefTeqbaylit/Tamaziɣt (d tiririt i wayen akk iɣef yezmer a d-yesteqsi unelmad yakk d umeɣnas)

9 d wezgen ar 12 n wass : D timsirin deg ilugan imenza.

12 ar 12 d wezgen : D iluɣma ɣef wayen d-yellan di temsirin.

12 d wezgen ar 14 n tmeddit : D asgunfu (asteɛfu).

14 ar 16 d wezgen n tmeddit : D timsirin di tseftit, izelman…

16 d wezgen ar 17 n tmeddit : D iluɣma ɣef wayen d-yellan di temsirin.

17 ar 17 d wezgen : D tira n yeḍrisen iwezlanen (yal taseqqamut n kraḍ (3) neɣ kuẓ (4) inelmaden a d-arun kra n weḍris sɣur-sen neɣ si timawit, am tuɣac neɣ isefra…tidiwenniyin gar-asen…).

17 d wezgen ar 18 n tmeddit: Asiwel (ɣer Weqbu) i massa Nura Harun akken a ɣ-d-temmeslay ɣef wergaz –is « Harun » ; daɣen (ɣer Dzayer tamaneɣt) i Leḥsen Beḥbuḥ ara d-yemmeslayen ɣef umeddakel-is ( yella yid-s di lḥebs). Ssyen d asiɣi n tcemmaɛin yakk d ibeddi n ddqiqa n tsusmi d tajmilt i « Muḥemmed Harun ».

18 ar 19 n tmeddit : D ahil adelsan, isefra, ccna…

Anṣuf yes-wen (t)

LEAVE A REPLY

Please enter your comment!
Please enter your name here