Tikuptirin n yisardasen izzayriyen ẓẓant tugdi deg tudrin n ukeffadu !

0
256
Akeffadu
Akeffadu

AKEFFADU (TAMURT) –  Setta n tkuptirin n lɛesker d tid n yiǧadermiyen izzayriyen i yewten ssebt-a s lbumbat ɣer leqrubat n tudrin n ukfadu, ayen d-qqaren d irebraben !

Tiyitwin-a s tkuptirin, ẓẓant tuggdi deg wulawen n yimezdaɣ d yimeksawen deg tudrin n ukfadu, akken i d-nnan imezdaɣ n tama-ya.
Tiyitwin s lbumbat, lant-d ladɣa deg usammar n taddart n Ikeǧǧan (18 km ɣef Sidi Ɛic), d tyitwin s urafal deg umalu ɣer tamiwin n tɣiwant n ukfadu.

Imezdaɣ nnan-d belli ulac akk lǧerra n yirebraben deg tamiwin-a ! ttweḥḥiden acuɣer lɛesker azzayri yekkat dima deg yidurar-nsen !
Tiyitwin-a ttilint-d war ma fkan-d lɛesker ayen d-sseggrayent, war ma luɛan i yimezdaɣ akken ad ḥadren iman-nsen ur ttɛeddayen ara ɣer yimukan ideg kkaten !

I usmekti, deg unebdu yezrin, lɛesker yesserɣ d imeyyaten n yigeṭṭaren deg teẓgi n ukfadu.