Timenɣiwt nniḍen sɣur iserdasen izzayriyen deg Tizi Wezzu.

2

Ass-a 29 deg wunbir 2011 ɣef 14h, iserdasen n Temḥadit Taɣelnawt Tazzayrit tenɣa daɣen yiwen ilemzi deg tɣiwant Akerru, tama n Yakuren deg Tizi Wezzu.

Akken d-qqaren iserdasen-a llan teggen tifɣet (embuscade) i kra irebraben, imi yeldin timest ɣef sin ilmezyen yettṣeggiden deg tama-nni.

Yiwen deg-sen imut imiren kan, tafekka innes attan deg ‘la morgue’. Ma d umeddakel-is wayeḍ atan ger tmettant d tuddert deg ṣbiṭar Lounes Meghnem deg IƐezzugen.

I wesmekti, send tucḍa-ya akken i as-teqqar Temḥadit n Lezzayer, ass n 11 cuṭembir yezrin, d yiwet n ṭmeṭṭut, masa K. Zahia, n tɣiwant n Friḥa i yenɣa yiwen userdas ɣer tama kan n Lkazirna. Sin wagguren uqbel, d yiwen n wergaz, Mas Dial Mustapha, umi sɣiman iserdasen izzayriyen, dima tama n IƐezzugen.
Ar melmi akka?