Deg iseggasen agi ineggura ulac ass ur nettali war ma yegla-d s isalan n yiwen neγ n yiwet inγan iman-is deg tmurt nneγ. Tamnaṭ n Bgayet, Tizi wezzu d Tubiret, ṭṭfent taqacuct deg leḥsabat n wuṭṭunen n wid i ttqeṭṭin deg iman-nsen.
Tuget d ilmeẓyen d tlemeẓyin n ddaw 30 iseggasen. Maca ayen yessewhamen akken annect-agi iḍerru-d, yerna ula d yiwen ur d iclig. Amzun akken d izan i iγellin mačči d imdanen.
Imḍebbren n tmurt d uɣlif n tezmert ur t-id-iggir ara akk deg leḥsab. Ur gin ara kra n usenfaṛ akken a wellhen ilmeẓyen d imawlan γef twaγit-agi izemren ad taγ kra twacult akken tebγu tili.
Deg iseggasen n 90, Tahar Djaout deg ungal-is umi isemma iεessasen “les vigiles” yewhem amek iγeblan akk yellan deg teggnit-nni ur ssawḍen ara imdanen ad nnγen iman-nsen am akken tḍeṛṛu deg Jappu (Japan). Ass n wass-a newweḍ ar yiwet n teggnit nniḍen, ideg ulac yiwen ur nessin ara xerṣum yiwen inγan iman-is.
Tifukal ugtent, yal wa acu i ihedder. D acu kan deg tmura i yesεan iγeblan-agi, deg tezrawin i gan ɣef tfukal-agi, ufan d tujjya i s-ilaqen. Iɣawasen n uwelleh, ttwaxedmen. Yal amdan deg Uwanek akked tmeti fkan-d afus deg uwelleh d tmusni ɣef taluft-agi.
Deg tmurt n Lezzayer, anager inaw n ddin i s-ttarran i wigad yesteqsayen ɣef taluft-agi. “Ur tesεim ara azref ad tenγem iman-nwen, ma ulac d abrid ɣer tmess d ǧahennama”. Ma d wiyyaḍ qqaren akken win ara ifernen ad ineγ iman-is mačči d argaz / mačči d tameṭṭut”. Amzun akken wid ineqqen akka imann-nsen tgen akk leḥsabat-agi?!!
Ass-a n wussan, yewweḍ-d wakud akken ad ffγen imdanen seg wekraf-agi i ten-yuγen qeccuc meccuc akken ad εerḍen ad gen kra. Yal yiwen ahat izmer ad yefk tazmert-is. Tiddukliwin tewwi-d ad d-lhunt d taluft-agi. Imusnawen ad megren tamusni-nsen, ad tt-fken i wigi. Ma yella aǧeǧǧiḍ ineṭteḍ ula d layas. Ticki yegma yettbuεbun, ineṭṭeḍ. Acu xas akken asirem daγen ineṭteḍ, ma yella nerra-t d netta i d iswi-nneγ deg tuddar d iγerman n tmurt-nneγ.
azul
D tidett, taluft-agi tεedda tilas deg iseggasen-agi ineggura, wid ineqqen iman-sen d ilmeẓyen neγ d wid yesεan di 40 ar 45 iseggasen, d ibabaten neγ d tiyemmatin, ğğan-d igujilen. wissen ahat d taγzent tadamsant i tettidir tmurt-nneγ i d sebba neγ d uguren tettidir tmurt n leqbayel s umata ?
Nessaram wid te3na temsalt a d-lhin s cceγl-agi
azul
D tidett, taluft-agi tεedda tilas deg iseggasen-agi ineggura, wid ineqqen iman-sen d ilmeẓyen neγ d wid yesεan di 40 ar 45 iseggasen, d ibabaten neγ d tiyemmatin, ğğan-d igujilen. wissen ahat d taγzent tadamsant i tettidir tmurt-nneγ i d sebba neγ d uguren tettidir tmurt n leqbayel s umata ?
Nessaram wid te3na temsalt a d-lhin s cceγl-agi
Ayen ur izmir ara a d iqbel yiwen d « le fatalisme » nni d iγlin deg tmurt. Win mi tenniḍ a k yinni : Ur yelli i nezmer a nexdem, tamurt truḥ deg-sent ! Yal wa ittsubbu le morale i wayeḍ. D amḥezwer ay yefri d ugrigreb! Netta deg tudert agi ur tesεiḍ w’izṛan amek ara yili uzekka. Ilaq tidukkliwin d tjemmuεa d imdanen ad bdun a d ttaran asirem. Tanemmirt
Ayen ur izmir ara a d iqbel yiwen d « le fatalisme » nni d iγlin deg tmurt. Win mi tenniḍ a k yinni : Ur yelli i nezmer a nexdem, tamurt truḥ deg-sent ! Yal wa ittsubbu le morale i wayeḍ. D amḥezwer ay yefri d ugrigreb! Netta deg tudert agi ur tesεiḍ w’izṛan amek ara yili uzekka. Ilaq tidukkliwin d tjemmuεa d imdanen ad bdun a d ttaran asirem. Tanemmirt
Azul fellawen.
Acugher i gan akk-a ilmezyen tt ilmezyin n Iqvayliyen ass-agi? Acku ar ghuri: attas degsen negh akken llan sumata ttmuqulen kan ad nnejlin di tmurt i ten id irebban. Ayaggi yekka-d (ar ghuri) imi ulac kra gher fi rran ddhen nsen ilmezyen n tmurt nnegh akken at xedmen iw uzekka nsen negh win n wid i d-ittlalan ar zzat. Ulac ass-agi wid isaan la pasyu akken asen t izzid tuddert nsen. Wid isaan lapasyu yak ur aaggun ara deg iman nsen. Di tmura n lurup negh tiyadh, yal yiwen ittara ddhen-is ar kra n tghawsa; amedya: wa ittallay amek ttidiren ivaaucen, wa idjamaa-d tibwadhin n kamubir, wa ittaru kra n cfawat-is akken aten id afen imenggura, atg…. Yal amdan d acu gher yerra ddhen-is di tmura nnidhen. Ghurnegh nekni, titt nnsen ala gher usrifeg, tarewla amek ara d-yawi lviza akken ad iruh.
Yernu attan aggi n tirewla d imeqqranen ak d imusnawen isen id izwaren. Achal ssnegh ilaq ad ilin di tmurt amma gher ayen akka igh yerhan akk amma af tudert uzekka n ilmezyen nnegh. Nutni rewle-d akk ar dagi djan lber i tervaat n Udjda akk d At iccumar. Ttaqa degsen macci d ixeddim iten ixissen d i tmurt negh lluzen, alaaa, ttarewala ar umaanedh d zzux.
Hand.
Azul fellawen.
Acugher i gan akk-a ilmezyen tt ilmezyin n Iqvayliyen ass-agi? Acku ar ghuri: attas degsen negh akken llan sumata ttmuqulen kan ad nnejlin di tmurt i ten id irebban. Ayaggi yekka-d (ar ghuri) imi ulac kra gher fi rran ddhen nsen ilmezyen n tmurt nnegh akken at xedmen iw uzekka nsen negh win n wid i d-ittlalan ar zzat. Ulac ass-agi wid isaan la pasyu akken asen t izzid tuddert nsen. Wid isaan lapasyu yak ur aaggun ara deg iman nsen. Di tmura n lurup negh tiyadh, yal yiwen ittara ddhen-is ar kra n tghawsa; amedya: wa ittallay amek ttidiren ivaaucen, wa idjamaa-d tibwadhin n kamubir, wa ittaru kra n cfawat-is akken aten id afen imenggura, atg…. Yal amdan d acu gher yerra ddhen-is di tmura nnidhen. Ghurnegh nekni, titt nnsen ala gher usrifeg, tarewla amek ara d-yawi lviza akken ad iruh.
Yernu attan aggi n tirewla d imeqqranen ak d imusnawen isen id izwaren. Achal ssnegh ilaq ad ilin di tmurt amma gher ayen akka igh yerhan akk amma af tudert uzekka n ilmezyen nnegh. Nutni rewle-d akk ar dagi djan lber i tervaat n Udjda akk d At iccumar. Ttaqa degsen macci d ixeddim iten ixissen d i tmurt negh lluzen, alaaa, ttarewala ar umaanedh d zzux.
Hand.
Comments are closed.