Timlilit akked terbaεt n yicennayen Icawiyen  » IZENẒAREN « 

1

Deg useggas n 1989 i tebda terbaεt « IZENẒAREN » tikli deg ubrid n ccna amḥaddi s yisem n  » TARBAΣT IGUDAR  » xas ur tebdi ara asuffeɣ n tesfifin almi d aseggas n 1993 di Tizi Wezzu s tallelt n Tiddukla  » Tiɣri Umaziɣ ».

Gar yimenza n terbaεt-agi, yella Nabil Seḥrawi, Naser Mserḥi, Busetta Muḥemmed, Yazid Tiṭṭawin, Murad Dendani, Lezher Sεidi akked Σebdella Mserḥi; ass-a qqimen-d kan sin deg terbaεt « IZENẒAREN »: Nabil Seḥrawi akked Σebdella Mserḥi (Σebba) i d-yerran ɣef kra n yisteqsiyen n uɣmis Tamurt.

{{Tamurt}}: Azul a mass Σebba.

{{Izenẓaren}}: Azul fell-awen, lεeslama-nwen ɣer Yicawiyen ladɣa ɣer taddart n Tkukt; ferḥeɣ s waṭas imi d-mlaleɣ d watmaten-iw Iqbayliyen.

{{Tamurt}}: Amek tettili tezlit Tacawit ?

{{Izenẓaren}}: Aswir n tezlit Tacawit yuli acku tekcem deg utrar.

{{Tamurt}}: I tezlit Tacawit tamḥaddit ?

{{Izenẓaren}}: Tenqes s waṭas, llan kan kra n yicennayen maca ttwaḥsaben s yiḍudan ufus, aya yettuɣal ar tiddukliwin ur nqeddec ara taggara-yagi.

{{Tamurt}}: D acu-tt tmuɣli-nwen ɣef Timanit i Tmurt n Yiqbayliyen ?

{{Izenẓaren}}: Tikti telha, awi yufan ad tili di temnaḍin akk n Lezzayer akken ad yili leḥkem afidirali.

{{Tamurt}}: Amek tettwalim tikti n Timanit i Tmurt n Yicawiyen ?

{{Izenẓaren}}: Xas d tkti igerrzen, yuεer lḥal dagi mliḥ.

{{Tamurt}}: Deg taggara, d acu-tt tiɣri-nwen ?

{{Izenẓaren}}: Di taggara, ad ken-snemmreɣ imi d-tejbam fell-aɣ, nettḥulfu s yiwen umennuɣ u nessaram Imaziɣen ad gen afus deg wufus, ilaq ad naẓ ar zdat nebla tigdi.

07 Avril 2013 sɣur Lmulud Yunsi

1 COMMENT

  1. Meqqar wigi, atan cennun s tutlayt nsen tacawit, mačči am kra akken, aẓawan s tcawit, ameslay s taεravt, am akken gan kra n icennayen imezwura n teqvaylit, ccnan s taεravt yuγalen nndemen mi walan wid iḥekmen neqqen deg tutlayt d yidles Amaziγ.

LEAVE A REPLY

Please enter your comment!
Please enter your name here