Tirga n Uɣedlal i ttargun deg uzal

0
232

Asmi ara d-nḥelli Timanit, sakkin Tilelli, ad nebnu ṣṣur aɛlayan, d ṣṣur ara d-izzin i tmurt-nneɣ; Tamurt-nneɣ tamurt n Yiqbayliyen.

Ad nekkest akk assaɣen illan gar-aneɣ akked Yiεerbuben s teɣzi n 5 leqrun, alamma dayen ur d-iggri later-nsen, rrkeḍ-nni nsen iḍfin Tamazɣa ur nuklal ammus, di lawan neggar afus i Yimazɣanen iqeṭṭan seg ubeṛṛani i aɣ-icban, sakkin ad nessedrem ṣṣur illan gar-aneɣ, imir ad nezdit, ad nuɣalet d yiwen uɣref, Aɣref Amaziɣ Aferkan, Aɣref n Tmazɣa-nni iɣef urǧin irriẓ urǧin ikni, yudasen si tama n ugmuḍ ill azeggaɣ d ugaraw ahendi, ill agrakal si tama n ugafa, agaraw aṭlanṭi si tama n utaram.

Imiren, newweḍ iswi, nessaweḍ s izen n Masensen ; ad as-nbedd s yiɣerfan iferkanen deg Uxerrub, ad as-nsuɣ ɣef tikkelt :

“Taferka i Yifriqen, Taferka i Yifriqen, Taferka i Yifriqen”.

Xas nnegger xellfen-d wiyiḍ

Xas nettmettat ttlalent-d tsutwin-niḍen

Xas tineggisin deg nneɣ ttɣizint

Xas tettnuɣu-yaɣ Tmaziɣt-nni iɣef nreqq

Ur as-neqqar :“ Bezzaf nenṭerr !”

A Hamoum