Tirrumit mgal nnif n twaɣit

0
ayazid

Tirrugza ur tettemlil ara akk d tirrumit. Tirrugza tikwal tettuɣal d nnif n twaɣit. Ihi tella tirrugza, tella tirrugza! Acḥal d argaz di tmurt-nneɣ i yennan: «Nekk ur ttagadeɣ ula d yiwen, ur ttuḥwajeɣ yiwen». D annect-a i d nnif n twaɣit! Amek yella kra n wergaz ur nettuḥwaj wayeḍ?

Di tmurt-nneɣ win yekkren kan a tt-yesker gar sin n yimeddukkal „Atan ameddakel-ik yenna akka d wakka fell-ak.“ Dɣa argaz-a ad yerr ameddakkel-is d acengu alma tenger tmeddurt, war ma yessuter-t ɣef ayen yeḍran neɣ ur neḍri.

Icenguyen-nneɣ ẓran annect-a yella deg-neɣ. S wakka ttafen abrid, kerrfen tawuri-nneɣ ɣef izerfan-nneɣ: Ẓran fiḥel ma rẓan iqurray-nsen aṭas ɣef taluft-a. Amedya: Win yekkren ixeddem kra ɣef izerfan-nneɣ, yernu yezmer ad yessiweḍ ɣer kra, dɣa ad inin fell-as: «Atan winna d amucar n DRS neɣ d argaz n wakka d wakka…» Annect-a yezmer a s-isemmi yiwen tirrumit.

Argaz n “nnif n twaɣit” ur iseɛɛu “tirrumit”. Ma d tirrumit, nettat teɣleb tirrugza, teɣleb „nnif n twaɣit”. Dacu kan tella tirrumit, yella nnif n twaɣit, yella nnif azeddgan!

 

LEAVE A REPLY

Please enter your comment!
Please enter your name here