Tiwizi n Umussu n Timanit akked Unabaḍ uεḍil deg At Yeεla.

4

D amecwar si Sṭif ar Tubiret, maca s taḍsa, acmumeḥ akk d usirem..akka i yelḥa mass Xaled akken ad d-yeṭṭef idrimen n twizi s ɣur uselway n Umussu i Timanit n Tmurt n Yiqbayliyen.

Ɣas zrin wussan n teqseḥ i d-yuten tama n At Yeεla deg unẓul n Tmurt n Ferḥat At Sεid, lḥir dima yecɣeb imeɣnasen n Umussu n Timanit ladɣa aselway n useqqamu n At Yeεla akked uqerru n M A K mass Buεziz ur nethedden aamma wwḍen yidrimen ar yimesdurar n twaɣit.

Mass Yunsi Lmulud yenna-d d akken  » imeṭṭi yeɣli-d deg ussan-agi imi ɣas nexdem ayen nezmer, neqqar drus acku ur uklalen ara Yiqbayliyen tudert n ddel  » ikemmel mass Lmulud deg wawal-is : idrimen i d-yettunefken d anagi ɣef Teqbaylit i d-yeǧǧan tiwizi , tirugza ,nnif akked tiqqermi; xas ur nessawaḍ ara ad d-nḥaz wid yenxessen akk, numen s tidet i ɣef nteddu ara ɣ-yessiwḍen ar lmerɣub imi tiɣri-nneɣ d tiɣri n tdukli  »

Aselway n useqqamu n At Yeεla akked umaray-is mass Xaled snemmren aṭas tawacult n M A K u gren tiɣri i Unabaḍ Uεḍil Aqbayli akken ad kemmlen deg ubrid n uzref n timanit acku adabu-yagi amesbaṭli n Lezzayer ixdem-itent akk ladɣa tikkelt-a yekkes i Yiqbayliyen allalen akken ad qablen ayen i d-yefka yigenni.

4 COMMENTS

  1. azul ay At Yaεla, akken qqaren aḍar itteddu s aẓar, adabu n Lezzayer iγul win yeṭṭfen deg ẓuran-is, akka am kunwi, ran ad tilim d aεraben am Mila, i wakken a wen-id-awin s likupterat lgaz d sselεa, iban wul-nsen anda imal, seg zik akka ur γ-eḥsiben ara akk nekkni n tmurt-a, ma yella yusa-d yiwen di Ccam neγ di Masser, winna a t-maggren s sin ifassen, acku ḥesben-t d gmat-sen, mačči am nekkni, ulac akk awham! acku ur ḥmilen ara tutlayt d umezruy-nneγ yeqqaren akal n Tmazγa n Imaziγen, Lezzayer i Izzayriyen, Lmerruk i Imerrukiyen, Tunest i Itunsiyen, Libya i Ilibiyen, tigi akk d timura n Tmazγa, i d-yezgan di Tferka ugafa.
    Nutni bγan ayen nniḍen, ahat tram d acu-t?

LEAVE A REPLY

Please enter your comment!
Please enter your name here