Tizi Wezzu: Asɣur n tutlayt tamaziɣt – Aselmad yeḥqer taqbaylit, tutlayt i yesɣaray.

13

Inelmaden cektayen ɣef yiwen uselmad n umezruy deg uɣsur n tutlayt n tmaziɣt. Acku aselmad-agi qessiḥ aṭas, yerna iban-d am wakken yesselmad kan amezruy n Imaziɣen akken kan ad yečč aɣrum yes-s. Netta mgal tamaziɣt i yella. Aṭas n tikwal ixedmen asendad fell-as, imi yezga yettili mgal ayen xeddmen inelmaden, aladɣa ma gan-as anadi s teqbaylit.

Dɣa tagi d yiwet n tedyant ger waṭas i yexdem uselmad-agi.Yiwet n tikelt, yefka-yas i yiwen unelmad akken ad d-yeg anadi ɣef umezruy n taddart-is. Anelmad-nni iga-d yiwen unadi meqqren, yura-t s teqbaylit. Imi t-yekfa yesneɛt-d leqdic-is s tutlayt n teqbaylit zdat akk yimdukal-is inelmaden lakked uselmad nni. Dɣa, imi yekfa asenɛet n leqdic-is, aselmad banen-d ɣef udem-is urfan meqqren. Yenṭeq ar unelmad-nni yenna-yas : atan leqdic-ik ad s-fkeɣ warun (0). Anelmad, yebhet, yenna-yas : Ayen ay mass ? Yerra-yas : imi s tutlayt n teqbaylit i t-txedmeḍ !! Deg umbaddal n umeslay i d-yellan ger-asen aselmad yenna-yas : Amek ara tgeḍ leqdic s teqbaylit imi imezwura uran s tefransist, yessefk s tefransist kan. Yerna amer ẓran imazrayen telha teqbaylit-agi tili uran amezruy-is s teqbaylit.

D wigi i d imeslayen qessiḥen i yenna uselmad deg udem n unelmad-is.