(Tizi-Wezzu): Aselway n umussu i timanit, Buɛziz At Cebbib, akked imaɣnasen nniḍen ttwaḥebsen ass-agi ɣef 9t d wezgen

0
201

Ass-a lewhi n tesɛa d wezgen (9h30) aselway n umussu i timanit n Tmurt n Yiqbayliyen, Mass Buɛziz At Cebbib, akked imaɣnasen nniḍen ger-asen Becca Busaɛd d Hsen Crifi, ḥebsent-tent iserdasen di temdint n Tizi-Wezza uqbel ad yebdu unejmuɛ iɣer i d-yessawel umussu i timanit n Tmurt n Yiqbyliyen, i wakken ad t-ttwakkes laḥqara d lbaṭel i d-isers udabu, i wakken diɣ ad d-yuɣal wezref i wegdud ad yennaɣ ɣef izerfan-ines s tikli akked tmesbaniyin d tin n leɛqel d ṣwab.

Am akken diɣ i tettwṭṭef tedewselwayt n Wegraw Amaḍlan Amaziɣ (MCA), Massa Kamira n At Sid akked tmarayt-is Ḥasibba Iɛebbasen yekkin deg unejmuɛ-agi akked ɣer tama-nsen imeɣnasen nniḍen n umussu i Timnit n Tmurt n Yiqbayliyen, tugett deg-sen d isdawanen, ad d-nebder:

Ǧaɛfer Kennan

Hsen Grayci

Ɛebḍella Ɣerrab

Babasi Ṣufyan

Remḍhan Buɛekkiz

Ssaɛid Tissegwin, anaɣmas n tamurt.info. Am akken i yettwaḥbes diɣen yiwen n uneɣrim nniḍen, seg wid d-yusan ad tekkin deg tikli-agi.

S yisem n Unavaḍ uɛḍil n Tmurt n Yiqbayliyen, mass Maxluf Idir deg ulɣu i d-yessufeɣ, iger-d tiɣri i yiqbayliyen d wid yettnaɣen ɣef tugdut “issawel s ibeddi ɣer tama n imaɣnasen-agi yettwaṭfen, i wakken ad asen-d-serḥen s tɣawla, deg imira.” Am akken i d-iger “tiɣri i tesquma tigerɣlanin n izerfan d tlelli n wemdan, ad ẓeyrent ɣef udabu azzayri ad iqader leqwanen iɣef yestenya deg umahil-agi n izerfan n wemdan.”