Tizi Wezzu : Imezdaɣ n taddart Umlil cektan imḍebren n tɣiwant

0

Cektan imezadɣ n taddart n Umlil di tɣiwant n At Ɛisa Mimun di tawilayt n Tizi Wezzu, ɣer imḍebren tɣiwant akken ad d-afen tifrat u « d ddmen rray ilaqen ɣef taluft n ttbaren akked tuḥuna i yeznuzun ayen yeskarayen ». Ayen i ceɣben Imezdaɣ n Umlil deg at Ɛisa Mimun, d tuget n tḥuna akked ttbaren yeznuzun ccrab akked lbira id-yeseglan s ccwal i yat ttaddart-agi.

Deg rrabul i tura tejmaɛt n taddart i imḍebren ugar n 20 n ttbernat i yezzin i taddart deg yiwen n ukilumiter.

Γef ayen yuran deg rrabul n tejmaɛt, ayagi iwi-d aṭas n ccawal d iɣeblan i yat taddart, imi yal ass i ttili-d imenɣi ger wid i ttsen akked imezdaɣ n taddart.
Am akken i d-iwek-d rrabul yuran, d akken ayen i qelqen imezdaɣ ugar d ldi n tusnawit i d-yezgan zdat n ttbaren.

Sɣur Crif Wanuɣi

LEAVE A REPLY

Please enter your comment!
Please enter your name here