Tutlayt-nneɣ yessefk ad tili gar ifassen-nneɣ!

3
885

(Tamurt) – Awal yewweḍ ɣer yal tama n tmurt. Nnan tutlayt tamaziɣt ad tuɣal d tutlayt tunṣibt di tmenḍawt n tmurt tadzayrit. Wa yenna igerrez wannect-a mačči d kra, «tout va bien» tura. Wa yenna «annect-a d azerreg kan». Nekk s yiman-iw ufiɣ annect-a kra yelha deg-s, kra d irit.

Ayen yelhan: Tamezwarut: Yad yezzin azagur i tutlayt tamaziɣt, ddan d udabu tura atan twabahdeln, acku adabu-nsen yenna ih i tmaziɣt, ɣas annect-a d awal kan. Irgazen-a amek ara ad xedmen i wudmawen-nsen tura? Tis snat: Tura ad yaget umeslay ɣef taluft-a n tutlayt tamaziɣt, ɣef idles amaziɣ anida yedda yiwen. Tis krad: Amur ameqqran n Yizwawen/Tizwawin ur yizmir yiwen a sen-izerreg tura. Ɣran, ssnen, faqen!

Ihi adabu adzayri ma yella d tidet ira tamaziɣt d tutlayt tunṣibt n tmurt, ihi cic ad yefkk akk ayen yefka i taɛrab i tmaziɣt daɣen. Ma d tidet ira tamaziɣt, ihi yessefk ad yekmasi ass-a yakan tira-ines di tɣiwanin, ad yefkk udem amaziɣ i tmurt tadzayrit deg kra yellan d aḥric n tsertit n tmurt.

Ihi ma d tidet ira tamaziɣt, cic ad yerr tamurt n Dzayer d tamurt tafidiralit, anida zedɣen Imaziɣen ad tili tutlayt n twuri n unabaḍ-nsen d tamaziɣt. Nekni di tmurt-nneɣ TamazɣaTalemmast (Tamurt n Iqbayliyin) a nexdem s tutlayt-nneɣ Tazwawt-Tamaziɣt. S uwanek akk d unabaḍ kan izwawen i yezmer ad yili wannect-a!

Nekni s Yizwawen yessefk a nẓer merra d nekni kan i yebɣan tutlayt-nneɣ, s nekni kan i tezmer ad tedder. S tutlayt-nneɣ kan i nezmer a nessali tamurt-nneɣ d asawen, s tutlayt-nneɣ kan di tmurt-nneɣ i nezmer a nseggem tudert-nneɣ. Ihi tutlayt-nneɣ yessefk ad tili gar ifassen-nneɣ! Ayen akk nniḍen d azerreg kan!

Akli Azwaw

Tutlayt-nneɣ yessefk ad tili gar ifassen-nneɣ!

3 COMMENTS

  1. Azul, ulac ttkal neγ laman deg widak yeddan d udavu, iḍelli ttvuddun tamettant i tutlayt nneγ, ula d assa daγen ur ttveddilen ara, ad qqimen d izerman leḥḥun kan γef iεebbaḍ nsen, γas nnan tt-id deg tmendawt, maca vanent txidas akk d tmukrisin i serrnan i wakken ad teqqim ur tettmettat ur tettidir, akken ad d-awin akud i taεravt ad taγ tamurt, ad taweḍ ar wallaγen n widak wer εad temlik.

  2. Azul, ulac ttkal neγ laman deg widak yeddan d udavu, iḍelli ttvuddun tamettant i tutlayt nneγ, ula d assa daγen ur ttveddilen ara, ad qqimen d izerman leḥḥun kan γef iεebbaḍ nsen, γas nnan tt-id deg tmendawt, maca vanent txidas akk d tmukrisin i serrnan i wakken ad teqqim ur tettmettat ur tettidir, akken ad d-awin akud i taεravt ad taγ tamurt, ad taweḍ ar wallaγen n widak wer εad temlik.

  3. Azul, ulac ttkal neγ laman deg widak yeddan d udavu, iḍelli ttvuddun tamettant i tutlayt nneγ, ula d assa daγen ur ttveddilen ara, ad qqimen d izerman leḥḥun kan γef iεebbaḍ nsen, γas nnan tt-id deg tmendawt, maca vanent txidas akk d tmukrisin i serrnan i wakken ad teqqim ur tettmettat ur tettidir, akken ad d-awin akud i taεravt ad taγ tamurt, ad taweḍ ar wallaγen n widak wer εad temlik.

Comments are closed.