Ulac talwit di tmurt n yeqbayliyen

6

TAMURT – Ran ad d-kksen tugdi seg ulawen n yemdanen; ad qḍun lecɣal-nnsen war akukru, ad teddun deg iberdan, ad ttruḥun ɣer tebḥirin…ɣer wedrar neɣ ɣer yilel ad merḥen, ad kksen ɣef ulawen-nnsen war akukru.

Di tmurt n iqbayliyen ulac amḍiq ur ǧǧin di laman, takerḍa n talwit sɣersen-tt iwaɣezniwen. Maca, d acu ara yexdem uqbayli meskin zdat n yeɛdawen n tudert, ileḥḥun mebla tugdi? Imi d wid ara ten-iqazmen i d-asen-yefkan azuɣer. Xeddmen lmuḥal deg yemdanen: Nɣan imdanen deg webrid-nnsen, ḥewsen ilmeẓyen, ukkren arrac imecṭuḥen, cemten tulawin d tlemẓiyin… sserɣen, ɛeyben, snejlan, undin tixazabiyin…lḥasun ur d-ǧǧin ara xedmen s-ya d asawen !
Γas mačči d yiwen n yiman i yewwin yeɛdawen n Rebbi, mazal la ttnadin anwa ara ad rnun, gullen ula deg imeɣban ur ten-ǧǧin di laman, dɣa nɣan ula d ilemẓi d tlemẓit.

Maca, lammer ur dduklen ara yeqbayliyen, lammer ur tezdi ara tegmatt n izwawen, tili ad xlunt tudrin seg imezdaɣ, am akken a sen-teḍra di tazwara n unekcum afransis ɣer-sen. Tamurt n izwawen ass-a, attan ger sin iberdan: win yettawin ɣer talwit, d win yettawen ɣer ccwal. Iqbayliyen ilelliyen ay bɣan d talwit, mačči d ccwal.