Warek d Wasin: Tunṭict i teqbaylit s teqbaylit

4

Tamacahut n 7 twuγa neγ rradmat uqmen warrac iqeswaḥen d-yesker umeskar Wilhelm Busch s tutlayt talmanit. Yesseẓreg-itt-id ass n 04.04.1865.

Segmi s isefra i tt-yura Wilhelm Busch, aṭas n yinzan yettwaseqdacen ass-a di tutlayt talmanit ttwakksen-d dγa seg-s tmacahut-agi. Ulac axxam, timkerḍit, aγerbaz neγ ayen-nniḍen ideg ur yettaf ara wemdan adlis-is di tmurt n Lalman.
Tettwasmuḥeyt-d s ugar n 300 tmeslayin.

Segmi tt-walaγ ula d nekk d tamacahut s wazal-is, smuḥyeteγ-tt-id γer tutlayt-nneγ, acku ssarmeγ-asen-tt i warrac d tullas-nneγ, riγ ad tt-γren xerṣum d nutni, γas ulamma d tamacahut ara sen-iεeğben ula i yemγaren, lemmer d widak yettaran lewhi-nsen γer temsal yettaken anzi γer tigi.

Aṭas n wagguren aya tura seg wasmi d-ssuffγeγ adlis-agi, maca, arrac d tullas ur zemmren ara ad t-aγen, ma d imawlan-nsen ur d-lhin ara d waya.

Atan ihi wedlis-agi d tunṭict i kenwi (kennemti) ay arrac d tullas-nneγ, Ssarameγ akka tura ad ken-in-yaweḍ!

Sεid At Mεemmer

Tamawt: Ukessar-agi, tzemrem a d-tzedmem adlis-agi akken ma yella s talγa n PDF.