Weltma-tneγ Ḥasiba teḥwağ-aγ merra s Yeqbayliyen d Teqbayliyin

0

Temmut weltma-s, acku lehlak-agi d win ur ttdawin imejjayen di tmurt-nneγ yerna tawacult n Ḥasiba d taẓawalit, ur tezmir ara ad t-mmager ayagi s ifassen d ilmawen. Ihi Weltma-s tewweḍ sanda ara naweḍ, nettat la tteddu γer din, ma yella ur tγawel ara tduwa mgal aṭṭan-agi amcum.

Kraḍ(3) tikkal di ssmana i t-ttnekkar γef l 05:00 n ṣṣbeḥ, akken ad t-wali amek ara truḥ si taddart-is Mizawru(taγiwant Bunuḥ) γer Tizi Wezzu, tettawi tettara 120 km ruḥ tuγaleḍ, akken kan ad tẓer sani yessaweḍ waṭṭan-is, ma tewweḍ s ajmam ad t-nγel neγ werεad. Alamma d 18:00 n tmeddit i d-tettuγal s axxam, wagi ass ideg ara taf d ttawil.

Akken a d-tas γer Fransa ad t-dawi, ulac akk tawwurt tezgel ur t-sṭebṭeb ara deg-s, ur tessuter ara ad as-d-fken afus, maca, neẓra yakk amek llan wulawen n widak yeṭṭfen tisura di tmurt n Ledzayer s iẓawaliyen am weltma-tneγ Ḥasiba, ladγa imi d yelli-s n wedrar, d taqbaylit.
ZZeher n weltma-tneγ yelha acemma, γas akken ur tesεi ula d kra, iger-d afus yiwen wemγar, yefka-yas idrimen swayes ad tewwi d ttsesriḥ(Visa) γer irumyen, atan a d-tas ass n 09.01.2011 γer Lpari. Taguni-s d lqut-is, atan daγen tufa yiwet n twacult ara ibedden γur-s, maca, ulac idrimen swayes ara t-dawi.

Nekkni s iεeggalen n tiddukla Tacemlit, numen s Yeqbayliyen, ur tt-ttağğan ara iman-is di tegnit am ta, ad taweḍ sanda ara naweḍ γef 26 iseggasen.
Ḥasiba tuklal ayen yifen tamettant, ihi yya-w(yyamt) ad as-nefk afus, yal yiwen, yal yiwet s wayen kan iwumi yezmer, yal 4 duru ad lhunt, ad tt-id-nerr γer tudert.
Weltma-tneγ Ḥasiba teḥwağeγ merra s Yeqbayliyen d Teqbayliyin, daγnetta, ula d nekni ur tt-nettağğa ara ad temmet!
Widak d tidak iran ad εiwnen s wayen iwumi zemren, neγ ad steqsin γef tedyant, atah sani d wanida:

{{Tiddukla Tacemlit}}

-{{Tansa}} : boîte n° 48, 54 rue Jean Baptiste Pigalle 75009 Paris
-{{Amayel}} : tacemlit@gmail.com.
-{{Tél.}} : Paris (+33) 06 36 63 46 24, Lyon : (+33) 06 28 28 85 09, Marseille : (+33) 06 83 10 44 17
-{{Asmel}}: www.tacemlit.net
-{{Cordonnées bancaires :}}
IBAN : FR36 2004 1000 0157 6101 9H02 006, BIC : PSSTFRPPPAR

LEAVE A REPLY

Please enter your comment!
Please enter your name here