Weqqas – REḤMANI ƐEBDELQADER, ABABAT-NNEƔ YETTWATTUN

6
251

Aṭas deg-neɣ ur nessin ara anwa i d mass REḤMANI ƐEBDELQADER, ihi argaz-a seg tgejda timenza n umennuɣ ɣef taluft tamaziɣt, ilul deg taddart Tidelsin i d-yezgan deg tɣiwant n Uweqqas di twilayt n Bgayet deg Tmurt n Yiqayliyen deg useggas n 1923, rnu ɣur-s ayen yessefraḥen ugar d akken d mmi-s n umaru ameqran n Teqbaylit Dda REḤMANI SLIMAN. Dda ƐEBDELQADER d yiwen n uqbayli i yerẓan asalu i tutlayt akked yidles-nneɣ s umata,deg tallit-nni asmi adabu amesbaṭli n Bumedyen yesseɣli-d rrehba deg yizenqan, asmi tigdi tezdeɣ ilsawen,deg akud-nni asmi imezdaɣ n tudrin-nneɣ ttagaden ad mmeslayen s Teqbaylit-nneɣ, ihi deg tallit-nni aṭas n wid i ikecmen leḥbas acku tamsulta tufa ɣur-sen tifrawin uran-t s yisekkilen n Tfinaɣ, isekkilen i d-iheyya Dda ƐEBDELQADER akked kra n yimdukal-is akken ad sekkren iɣerfan n Tmazɣa seg yiḍes-nsen.

Agraw n Yimaziɣen yerra-d tafat, asirem akked lḥerma i Tmaziɣt, segmi i d-ilul deg 1966 di Fransa,imi Dda REḤMANI ƐEBDELQADER d ababat n ugraw-a akked kra n yimeɣnasen yecban : Besɛud Muḥend Aɛrab, Dr Ḥanuz,Ṭṭawes Ɛemruc, Muḥend Arkun, Muḥend Ameqran Xlifati akked wiyad… Smaɛil Meǧber,d azamul n umennuɣ ɣef tutlayt d yidles amaziɣ s umata, i yettidiren deg yinig,yenna-d d akken REḤMANI SLIMAN akked ƐEBDELQADER : d sin n yizumal n tmazɣa fkan-d aṭas i tutlayt akked yidles-nneɣ uklalen tijmilin akked usnemmer acku ayen nebɣa nenna-d fella-sen, ur cukkeɣ ara ad neqreɛ akk ayen ɣef lḥan deg umecwar-nsen. Dda ƐEBDELQADER ,ulac ayen ur yexdim i tutlayt-is imi d netta i d ababat i d-yeslulen Agraw n Yimazɣien akked tesɣunt tamaziɣt tamezwarut s yisekkilen n Tfinaɣ, rnu daɣen d ameɣnas n yizerfan n umdan s umata, d amaru (yura azal n 3 yidlisen s Tefransist) d acu kan adabu amesbatli n Wejda yerra tiwwura ɣef umezruy-is akken iga i Malek Wari, At Ɛemruc d waṭas-nniḍen. Taneggarut, ayen nebɣa nenna-d neɣ nura-d ɣef Dda REḤMANI ƐEBDELQADER, nezra d akken d awezɣi ad d-nessegzu ayen i yexdem i tnekkit-is neɣ i talsa s umata, d acu kan ilaq ad teḥsum d akken Dda ƐEBDELQADER, ar-assa ur yesɛi ara azref ad yekcem ɣer wakal-is, yugi-yas udabu n Lezzayer xas ma ul-is icudar Tidelsin, Weqqas akked Tmurt n Yiqbayliyen i yettargu.
Ussan-a i d-iteddun ad as-tuɣal tejmilt i tikkelt tamenzut sɣur tiddukla tadelsant i irefden isem n baba-s amaru ameqran mass REḤMANI SLIMAN.

Weqqas Iɣil wis i Tamurt.info

6 COMMENTS

  1. Tanemmirt tameqrant i yiεeggalen-a n tiddukla tadelsant, igan azal i yiwen ger wiyaḍ i yefkan tudert nsen i wakken ad tidir tutlayt nneγ, ugin i ucengu a tt-yemḍel, s yiseγ i tt-refden, nuḍḥen ffel-as ğan-tt-id d ageruj i nekkni ara tt-ikemmlen, ass-a yessefk ad neccfu γef imeγnasen nneγ, a ten-id nettmekti,yiwen deg-sen ur yettwattu, s uzekka ad nesεu awanek, Mass Reḥmani Σebdelqader ad yesεu azref a d-yekcem ar wakal-is, ad yili deg umezruy n tmurt-is,

  2. Tanemmirt tameqrant i yiεeggalen-a n tiddukla tadelsant, igan azal i yiwen ger wiyaḍ i yefkan tudert nsen i wakken ad tidir tutlayt nneγ, ugin i ucengu a tt-yemḍel, s yiseγ i tt-refden, nuḍḥen ffel-as ğan-tt-id d ageruj i nekkni ara tt-ikemmlen, ass-a yessefk ad neccfu γef imeγnasen nneγ, a ten-id nettmekti,yiwen deg-sen ur yettwattu, s uzekka ad nesεu awanek, Mass Reḥmani Σebdelqader ad yesεu azref a d-yekcem ar wakal-is, ad yili deg umezruy n tmurt-is,

  3. Tanemmirt tameqrant i yiεeggalen-a n tiddukla tadelsant, igan azal i yiwen ger wiyaḍ i yefkan tudert nsen i wakken ad tidir tutlayt nneγ, ugin i ucengu a tt-yemḍel, s yiseγ i tt-refden, nuḍḥen ffel-as ğan-tt-id d ageruj i nekkni ara tt-ikemmlen, ass-a yessefk ad neccfu γef imeγnasen nneγ, a ten-id nettmekti,yiwen deg-sen ur yettwattu, s uzekka ad nesεu awanek, Mass Reḥmani Σebdelqader ad yesεu azref a d-yekcem ar wakal-is, ad yili deg umezruy n tmurt-is,

  4. Azul
    Nettenni ad yefk takerdit-is a yiwen deg imeghnasen akken ur d-ttegrayen ara gar iffasen n ikhabiten negh n menwala. Xilla n tektabit i yekseb urgaz agi af ayen yaanan imazighen sumata. Tanmirt-is ma yedjan,t-id i widak i iqeddcen af tmazight. Ma i netta mennagh-as tudert tameqqrant i lebda !

  5. Azul
    Nettenni ad yefk takerdit-is a yiwen deg imeghnasen akken ur d-ttegrayen ara gar iffasen n ikhabiten negh n menwala. Xilla n tektabit i yekseb urgaz agi af ayen yaanan imazighen sumata. Tanmirt-is ma yedjan,t-id i widak i iqeddcen af tmazight. Ma i netta mennagh-as tudert tameqqrant i lebda !

  6. Azul
    Nettenni ad yefk takerdit-is a yiwen deg imeghnasen akken ur d-ttegrayen ara gar iffasen n ikhabiten negh n menwala. Xilla n tektabit i yekseb urgaz agi af ayen yaanan imazighen sumata. Tanmirt-is ma yedjan,t-id i widak i iqeddcen af tmazight. Ma i netta mennagh-as tudert tameqqrant i lebda !

Comments are closed.