Yennayer, ger uyaziḍ d tlilit.

1

Yennayer yellan d tikli di lǧeṛa n cfawat, id d-icergen asigna n leqṛun, di ṭlam-nsen ifeǧǧeǧǧ amzun d ass n tlalit-is. Yeckentḍ-d di tecḍat n umezruy, yedduri-d tili-s akken aɣ-yeseḥdeṛ, ad d-yili d anagi ɣef tlilit-nneɣ. Ass-a neḍḥa-d nedduri tamuɣli nwiyaḍ, iɣ-yuɣalen d illeḍ iɣ-ismunedulen.

Tadṣa n wiyaḍ ma yella d uglan nneɣ, tameɣra i lǧiran, ma d cḍeḥ d ayla-nneɣ. Imi nneɣ, ma d tutlayin n wiyaḍ. Ass-a anida-yaɣ deg ugejdur n tlilit-nneɣ ? Nfareḥ i laɛwayed n wiyaḍ, tid-nneɣ nefka-ten d asfel izman inṭel-iten deg uẓekka n tatut. ɣas lfeṛḥ i medden yelha, maca yif-it mi ara d yek seg wexxam-nneɣ.

Nḥemmel mi ara n-tekkes tezdeg i ilefḍan, neckentiḍ deg wayen iɣ-ithuddun, nferreḥ i wid id d-aɣ-yesrun, teḍra yid-neɣ am wid yesudunen aḍu. Anezzi anenneḍ ad d-nuɣal s ayen inɣunfa, s ayen i neǧǧa, assen wa ad d-yettmuqul wa, amzun laɛmer nenṭiq.

Yennayer ur yelli kan d ayaziḍ, deg-s ahat telha tferett, tameṣaḍt d tedmert. yennayer d tililit-ik, d ass i ɣef ibnan leqrun, yella-yak d lsas, yella-yak d awal id d-yettwaksen si tsusmi, d ass-a ik-d-yeǧǧa yiḍeli, d cfawat id d-inesren i tatut.

Kker a yaqbayli xdem tameɣra, ur ttagad, ṣut at-id-yer wedrar. S ubernus ankkes cbaḥa i wedfel, s tqendurt n teqbayliyin aneslef , anzuzen tislit nwenẓar…
Aseggas ameggaz ayiqbayliyen d teqbayliyin.

1 COMMENT

  1. Mmuggerγ-d Yiwen Umerruk di yennayer nni yezrin, nniγ-as aseggas ameggaz a mmi-s tmazirt nneγ, dγa, yenna-yi-d (nekkni daγen nxeddem yennayer, netteg seksu s uyaẓiḍ nrennu-as sa isuffar deg useqi ineṣ, maca neqqar-as, εamm Aεreb) ayhuh amek? Annaγ aseggas Waεraben ittezzi, tikkelt deg unebdu, tikkelt di tegrest yal aseggas yettenqas s sin d mraw wussan, mačči am wagi nneγ iressa deg yiwen waggur, aggur n yennayer, mačči di furar, neγ di dujember, nniγ-as, yerna d Icelḥiyen i yeqqaren »Acelḥi ur iga d Aεrab » yenna-d (nekkni nezdeγ di temdint nuγal nettu ayen ttgen di tmazirt)

    Ccwi kan yennayer, ur ssawḍen ara a t-kksen wid yeqqaren: ayen yellan akk-in i lislam,ilaq ad yettwikkes,ccwi daγen allaγ Imaziγen d win yettsifin, iferrez lḥeb d ukerfa, ur yezmir ara ad yettu iẓuran-is.

LEAVE A REPLY

Please enter your comment!
Please enter your name here