Yennayer

2

{{Yennayer: dacut? Ans’i d-yekka?

S tewzel n wawal.}}

Aqlaɣ af tebbura useggwas imaziɣen. Dacut ? ans’i d-yekka? Awal a d-yezzi af snat tuttriwin aggi.

Yal aɣṛef yers af umezruy, taɣeṛma, tameslayt d yidles. Idles i t-issebdaden d laεwayed. Ula d nekwni d aɣṛef ger wiyaḍ s laεwayed-is. Yiwet degsent d Yennayer. Yennayer d aggur swayes beddun leqbayel ttektilin-yis akud aseggwas deffir wayeḍ, agur deffir wayeḍ, as deffir wayeḍ. Aktili yaggi yedda s lebɣi bbwakken tiṭ tettwali amek tettneqlab tegnewt i tezzin i yiṭij. Dulaqṛaṛ akud yedda daɣen s lebɣi n wanda ters tmurt di tkurt i tezzin af yiman-is d wakken ttezzi af yiṭij. Imi aqlaɣ ddaw Turupt, ladɣa Fransa imi yides i nṛebba tamussni s telqay, nemxallaf tesmeḍ d ḥamu akken d-tawḍen garaneɣ. Dayɣef ihi nemyezwar di tebbura useggwas. Amedya, ɣuṛneɣ tafsut tbeddu as n 28 di Fuṛar, segmi ɣuṛsen tegwra ar was n 21 di meɣres. D awal akken a d-nemmel ayɣeṛ nettemyezwar deg uktili n wakud.

A d-nuɣal ar Yennayer (janvier iṛumyen). D awal ibedden s sin wawalen. Amezwaru d Yen (anda nniḍen neqqaṛ Yiwen, akkin qqaṛen Yin). Wissin d Ayer (anda nniḍen neqqaṛ Ayyur, akkin qaṛen Ayer). Di tdukkli n wawalen aggi yemceṭṭaḍen kan si tama n tamazight ar tayeḍ id-yefruri wawal YENNAYER yellan d Aggur Amezwaru ar ɣuṛneɣ. Ma nga tamawt a naf belli asbeddi neɣ εad asennulfu n wawal s usemlili n sin wawalen d ttawil n tmazight si zikis. Yacban ma tenniḍ-d “Adrarufud” t-tadukkli n (Adrar akw d Afud), “Asɣersif” t-tadukkli n Asɣaṛ akw d Asif arg…

Yegwra-d tura awal yezzin af wans’i d-yekka Yennayer, f waken tenna tmussnawt Malika Hacid, deg useggwas 950 uqbel Σisa, agellid amaziɣ Ucacnaq isubb ar tmurt n Farεun Ramses wissin s-d-yessawlen akken a t-ifak si tnekkra s-yekker ugellid d-yulin si tmurt Tatyupit akken a tyesseɣli. Segmi yebda tikli Ucacnaq i bdan imaziɣen ttektilin akud s iseggwasen. Γas ulamma assa aqlaɣ deg useggwas amazigh 2960 (950 + 2010) ayaggi nettader-it-id kan ilmend n cfawa umezruy. Wanag aktili n wakud ilaq ad yeddu akken t-ttektilin deg umaḍan t-tirni. Nekwni d alsiwen gar wiyaḍ; t-tamurt gar tiyaḍ; ur ilaq ar’a naεzel imanen nneɣ af tmura ideg yella swab. Akk’i t-yenna umussnaw Amaziɣ Apulee: « {Nous sommes hommes et rien de ce qui est humain ne nous es étranger} ».

Ihi aqlaɣ deg useggwas 2010 aggur ideg d-ilul weɣmis Tamurt Info.

2 COMMENTS

  1. Aql-aɣ ɣef tebbura useggas imaziɣen. D acu-t ? ansi d-yekka? Awal a d-yezzi ɣef snat tuttriwin-agi.

    Yal aɣref yers γef umezruy, taɣerma, tameslayt d yedles. Idles i t-yessebdaden d leεwayed. Ula d nekkni d aɣref ger wiyaḍ s leεwayed-is. Yiwet deg-sent d Yennayer. Yennayer d aggur swayes beddun leqbayel ttektilin yes-s akud aseggas zdeffir wayeḍ, aggur zdeffir wayeḍ, ass zdeffir wayeḍ. Aktili-yagi yedda s lebɣi n wakken tiṭ tettwali amek tettneqlab tegnewt.
    Tegnewt i ttezzin i yiṭij. Dulaqrar akud yedda daɣen s lebɣi n wanda ters tmurt di tkurt i itezzin ɣef yiman-is d wakken ttezzi ɣef yiṭij. Imi aql-aɣ seddaw Turupt, ladɣa Fransa imi yid-s i nrebba tamusni s telqayt, nemxallaf tesmeḍ d ḥamu akken d-ttawḍen gar-aneɣ. Dayɣef ihi nemyezwar di tebbura useggas. Amedya, ɣur-neɣ tafsut tbeddu as n 28 di Furar, segmi ɣur-sen tegra alamma d ass n 21 di meɣres. D awal akken a d-nemmel ayɣer nettemyezwar deg uktili n wakud.

    A d-nuɣal γer Yennayer (janvier irumyen). D awal ibedden s sin wawalen. Amezwaru d Yen (anda nniḍen neqqar Yiwen, akin qqaren Yin). Wis-sin d Ayer (anda-nniḍen neqqar Ayyur, akin qaren Ayer). Di tdukkli n wawalen-agi yemceṭṭaḍen kan si tama n tamaziγt γer tayeḍ i d-yefruri wawal YENNAYER yellan d Aggur Amezwaru γer ɣur-neɣ. Ma nga tamawt ad naf belli asebded neɣ εad asnulfu n wawal s usemlili n sin wawalen d ttawil n tmaziɣt si zik-is. Yacban ma tenniḍ-d “Adrarufud” d tadukkli n (Adrar akk d Afud), “Asɣersif” d tadukkli n Asɣar akk d Asif …atg.

    Yegra-d tura wawal yezzin ɣef wansi d-yekka Yennayer, ɣef waken tenna tmusnawt Malika Hacid, deg useggas 950 uqbel Σisa, agellid amaziɣ Ucacnaq iṣubb γer tmurt n Ferεun Ramses wis-sin s-d-yessawlen akken ad t-ifak si tnekra s-yekker ugellid d-yulin si tmurt Tatyupit akken ad t-yesseɣli. Segmi yebda tikli Ucacnaq i bdan imaziɣen ttektilin akud s iseggasen. Γas ulamma ass-a aql-aɣ deg useggas amazigh 2960 (950 + 2010) ayagi nettader-it-id kan ilmend n ccfawa umezruy. Wanag aktili n wakud ilaq ad yeddu akken t-ttektilin deg umaḍal d tirni. Nekkni d alsiwen ger wiyaḍ; d tamurt ger tiyaḍ; ur ilaq ara ad neεzel imanen-nneɣ ɣef tmura ideg yella ṣwab. Akka i t-yenna umusnaw Amaziɣ Apulee: « Nous sommes hommes et rien de ce qui est humain ne nous es étranger ».

    Ihi aql-aɣ deg useggas 2010 aggur ideg d-ilul weɣmis Tamurt Info.

LEAVE A REPLY

Please enter your comment!
Please enter your name here