Yir tasertit neɣ wid ileqḍen itran

1

Tamurt n Lezzayer tedder ussan n ccwal d tugdi. D tidett? D wigi i iwwin tamurt ɣer twaɣit i deg nxebbeḍ ass-a, tefḍeḥ tewriqt. Ẓẓan taεdawit ger izzayriyen. Zzin ɣef teḥbultt am yiḍan, kra n lxir yellan sεerqent. Qeḍεen layas yef iɣeṛfan izzayriyen, ur qḍiεen layas yef ukersi.

D iwaɣzniwen. Gullen ur ḥniten alarmi ssenzen tamurt i uberrani, rran takmamt ɣef yimi. Ameslay deg iles-nsen i tettel, mačči ayen ar a d-inin ass-a ar ad-εiwden azekka. Гas ssawalen i tegmatt, xeddmen di tquranin, ɣas ssawalen s yisem n ddin , begsen-d i ddɣel. Ayen iḍerrun ass-a d ttanumi n zik-nni. Imezwura-nneɣ neğren-d abrid, wigi xulfen-t. Iruḥ-aɣ akk wayen ɣef εetben.

D ayen i yeǧǧan izzayriyen tmyeččen gar-asen. Xersum mgal wid iẓewren. Imenza-nsen iḍelli zwaren qemḍen tirwiḥin n tgejda n tegrawla. Гlint temegraḍ n yergazen ur nuklal: ΣEBBAN Remḍan d wiyad merra…