Lbusṭa n temdint n Leqser, dayen ur tezmir ara i 40 000 n yimezdaɣ akked wid i d-yettasen seg tamiwin i yqerben ɣer din. Imdanen akken ad d-ssufɣen idrimen, neɣ ad ṭillen kan ma llan, ttɣimin acḥal n tsaɛtin d araju, aya yal ass deg wayyur !
Ula d ixeddamen msakit ttenɛettaben nezzh akken ad qaḍɛen lɣaci i yeččuren tazeqqa armi d tawwurt n berra, aya d ttbehdila ɣef yimḍebbren i ylaq ad d-gren iman-nsen ad d-rnun lbusṭa niḍen, akken ad frun wuguren. « Ama deg tazwara neɣ deg taggara n wayyur, dima lbusṭa teččur », i d-yenna yiwen n yinigi.
I usmekti, taɣiwant n Leqser tesɛa yiwen waɣir n temguri d ameqqran, awi yeẓran anda ttarran akk yidrimen-is !
