Yugget wawal di tegnit anda i tlaq tsusmi, am wakken i tzad tsusmi di lawan deg i ilaq lmenṭaq. Tagnit ttidirent "tmura n waɛraben" di tagara-agi terra akessar d asawen, asawen d akessar. Kulci yennugdem armi ayen yellan zik yecba awezɣi yuɣal d lmeɛqul. Maca di tegnatin am tigi tikwal lwehmat ttekkent-d nnig teɣzint armi ula d tuttriwin i d-yettasen ɣer lbal d tid yeskeɛriren ɣef ṣṣwab akked temzela.
