Yessefk anesfeḍ imeṭṭawen

0
2791
20 ivrir 80
20 ivrir 80

TAMURT – Yal ass n 20 ivrir deg useggas nettmektay-d ayen yeḍran yid-neɣ nekni s yizwawen (iqvayliyen) di tefsut n 80 akk d tefsut taverkant n 2001/2002.

Nettsuɣu „pouvoir assassin„ « ulac smaḥ, ulac“. Ilemẓiyen yenɣa udavu adzayri mačči d ayen iyezmer a t-yettu yiwen. Annect-a yezza ulawen n waṭas n tyemmatin. D acu kan ma neqqim kan deg taluft-a n „ulac smaḥ“ ur nessawaḍ ara ɣer yiswi-nneɣ (asvedd uwanek) akk d ussudes n tamurt-nneɣ nekni s yiman-nneɣ.
Taluft-a n usuɣu „ulac smaḥ“ tesdukkul-aɣ kan deg tikli n yiwen wass.
Annect-a yessken-aɣ-d, ar ass-a ur nezmir ara aneddukkel yal ass di tizli ɣef izerfan-nneɣ.

Acuɣer imusuyen yettazzalen ɣef izerfan-nneɣ ur ssawḍen ara ad msefhamen ɣef wayen yessefk ad yemsefham yiwen fell-as. Imusuyen yellan tura di tmurt-nneɣ am MAK, RPK, URK zemren a d-inin merra:
„Nekni d aɣref inella, ɣurneɣ amezruy, ɣur-neɣ tutlayt, ɣur-neɣ tugdut, nettqaḍar izerfan n wemdan. Ɣef tgeja-yi n yidles-nneɣ a nemyuṭṭaf afus deg ufus. Amcaqlal ɣef wannect-a werǧin ad yili; yiwen ur izemmer aɣ-yevḍu ɣef annect-a!“ Ɣef wannect-a yessefk ad ttilint temliliyin, ad yili umedhel (cooperation) gar-sen.

Tafsut n 80
Tafsut n 80

Di tmara n ccedda yessefk imusuyen-a ad fernen argaz neɣ tameṭṭut neɣ tarvɛt n 4 neɣ n 6 ar ad yessudsen tawuri iyessefk ad tili. Ihi ma msefhamen imusuyen-ayi ɣef wayen yessefk ad yemsefham yiwen fell-as, yezmer yiwen ad iraju amur ameqqran deg tarwa n tmurt-nneɣ ad ivedd yid-sen. S wakka inezmer kan anesvedd awanek-nneɣ. Ma yeddukkel weɣref-nneɣ yiwen ur izemmer a t-yeɣḍel!

Win iḥemmeln tamurt-is yessefk ad iɛfes ɣef ul-iw, ad yemḍel nnif n twaɣit akk d nnefxa-ines. Yessefk ad icrew tidi ɣef tmurt-is s wul akk d wallaɣ, mačči s wul kan! Win iḥemmeln tamurt-is yessefk ad iḥemmel tarwa n tmurt-is!

Akli Azwaw

LEAVE A REPLY

Please enter your comment!
Please enter your name here