Dihya Boumedjane tilemẓit TAGRAWALT

1
3751
Dihya gar ilemẓiyen deg wennar n ddabex di taddart TIWAL. Tawlaft, Photo (Akli Azwaw)
Dihya gar ilemẓiyen deg wennar n ddabex di taddart TIWAL. Tawlaft, Photo (Akli Azwaw)

(TAMURT) – Di tmurt-nneɣ yal yiwen yeqqar: „Taddart-iw tiyf merra tudrin nniḍen.“ Ula d At taddart n Tiwal qqaren annect-a. Ma d imezwura-nneɣ nnan: „Yal yiwen yeqqar d ibawen-is kan iyettewwan.“ Annect-a yezmer a d-yini yiwen d ayen yelhan. Annect-a yecnecraḥ ulawen n imezdaɣ n tudrin.

D acu kan tella tidet nniḍen: Deg unebdu iberdan n tudrin-nneɣ ččarayen d ilemẓiyen. Deg wass ttzefẓifen s ṭumubilat deg iberdan; mar‘ a d-yeɣli yiḍ ilemẓiyen tteglilizen deg iberdan, neɣ teddun abrid abrid ama di taddart, ama berra i taddart, ttbuḥrayen.
Ma yenna-yasen yiwen: „Acuɣer ulac tilemẓiyin gar-awen iwakken ad buḥrant ula d nutentti?“
Nutni qqaren-as: „Ah, taluft-a n tmeṭṭut ur tferru ara ass-a. “Llan ula d ilemẓiyen yeqqaren: „Nekni ur nuḥwaj ara tilawin ad ilint yid-neɣ ama deg wass ama deg yiḍ, ama d azɣal ama d asemmiḍ.

Tilemẓit Dihya Boumedjane ur tssell i wannect-a. Seg wasmi i d-tekker d tameẓyant d nettat tteffeɣ anida i-s-yehwa. Tettili gar ilemẓiyen iman-is, ama deg wass, am deg yiḍ.
Dihya yiwen ur-s-yeqqar, acuɣer telliḍ da, ala kemm i d ilemẓit.
Dihya ur tecliɛ deg yiwen. Yernu s wakka ttqaḍarent akk ilemẓiyen. Diha tesɛa sser, tesɛa lhiba.
S Dihya, ilemẓiyen ẓran ma tella tlemẓit gar-asen ur d-yetteɣlay igenni. Ihi tagnit ideg tella tmurt-nneɣ yessefk ad tbeddel ass-a mačči azekka!

Dihya terẓa asalu, tenǧer abrid i tlawin ɣer tlelli, ɣer tmeddurt s izerfan n wemdan. Iẓerfan n wemdan yessefk ad ẓren yirgazen d izerfan daɣen n tmeṭṭut. Ula d tilawin yessefk ad sɛunt tura, mačči azekka, izerfan sɛan yirgazen.
Dihya tettawi yid-s TAGRAWLA anida tedda, nettat war ma teẓra annect-a!

Tanemmirt a Dihya! Isem-im ad yeqqim di taddart-nneɣ, ahat ula di tudrin nniḍen d amedya n tlemẓit ineǧren avrid ɣer tlelli akk d izerfan n wemdan.
Aha kan a Dihya, ttxil-m ernu-d kra n tlemẓiyin ɣur-m. S wakka kan itezmer taddart-nneɣ ad teɛu udem atrar.
S usemlil n tektiwin n ilemẓiyen akk d tektiwin n tlemẓiyin itezmer tamurt-nneɣ ad tali d asawen!

Akli Azwaw
30.04.2021/2971

1 COMMENT

  1. Azul dinna
    Akken tellam a leqvaylel ulac ula yiwen akken ad d-ikkemmel ad d-yerau s tmazight ? Akken tellam amma d widak n tmurt, amma d widak n lgherva ulac deg wen yiwen wergaz ad ikkemmel lqdic i yebda gmatnegh Hand Berkouk ? Ur tesedham ur tennehcam akken tellam d imeyyaten zaama kunwu tura tekkatem, tettnagh ad tesirem tutlayt nwen ? Nekk cektiw ur uminegh ara.

LEAVE A REPLY

Please enter your comment!
Please enter your name here